قەسەدە: تشرینەنە دووێ فڕۆکێ بێفرۆکەوانێ وزیێرە واری
قەسەدە ئەرەیاوناش جە دەوربەرو بەنداو تشرینینە جەنگاوەرەکێما هرووژمەکێ سوپاو تورکی ئەرەگیری و چەتەکاشا دلێنە بەردێ و٢ فرۆکێ بێفڕۆکەوانێشا وستێرە واری.
هێزەکێ سووریای دیموکراتیک (قەسەدە) بە ئەرەیاونێوە ئامارەو جەنگو ٢٤ سەعاتا ویەردەیش جە دەوربەرو بەنداو تشرینی ئاشکرا کەرد.
ئەرەیاوناکەو قەسەدەی پی جۆرە بێ:
"هرووژمەکێ دۆڵەتو تورکی ئەرگیری و چەتەکاش سەرو هەرێمەکا سەرنیشتوو و وەرکەوتوو سووریای بەردەوامێنی.
هیزی (یەرە شەممە) فڕۆکە جەنگییەکێ سوپاو تورکی ئەرەگیری چنین جارێ یانەو کرێکاراشا جە بەنداو تشرینی بۆمبوارن کەرد، جە ئەنجامەنە زەرەرێ ماددیس ونە کەوتۆ. کاتو بۆردومانو فرۆکە جەنگییەکا سوپاو تورکی ئەرەگیری، چەتەکێ جە دەگا نشینەکا سەرنیشتوو بەنداوەکەی جە دژو خاڵێوە هێزەکاما هرووژمشا ئەنجامدا، جەنگاوەرەکێما وەربەرچشا دێوە و جەنگ ڕووەشدا. جە ئەنجامەنە ژمارێوە چەتێ کوشیێ و زامڏارێ بیێ، بەڵام ژمارەشا نازانریا. جە جەنگەگەنە جەنگاوەرەکێما ٢ فڕۆکێ بێفڕۆکەوانێ چەتەکاشا وستێرە وار.
جە قۆڵو سردەو قەرەقۆزاقیچ سوپاو تورکی ئەرەگیری و چەتەکاش بە تۆپ، تانک، موشەک و هاوەن دەگاکا ئەل تینا، جادا، بیر حەسۆ، خەسەق، دیکان و تەپۆڵگەو شەڤێ و قەرەقۆزاقیشا بۆمبوران کەرد. زیاتەر جە ٨٠ گولـلە تۆپێ جە هەرێمەکەنە کەوتێرە وار و زەرەرێ فرەشا. یاونا بە موڵک و یانەو هاموڵاتییا."
