شاندێوی دەسوەڵیوزییەکەی کە قسەکەر فەرزەندە مونزور و نوها عومەر ئەنداماو دەسوەڵیوزیەکەی و فوئاد جولی. سەردایەکەینە قسەوباسشا سەروو ئامانجەکاو هەڵمەتەی میاندەوڵەتیێ پەی ئازادیی ڕابەر عەبدوڵا ئۆجالانی کەرد.

مار مۆریس ئامسیح قەشەو کلێساو جزیری و فوراتی، ڕابەر عەبدوڵا ئۆجالانش بە نیلسۆن ماندێلاو سەردەمی و بە کرێڵوو چارەسەروو کێشەکاو وەرکەوتوو دلێراسەی وەسف کەرد.

هەرپاسە ئامسیحی وات : "ڕابەر عەبدوڵا ئۆجالان پەی گەلاو هەرێمەکەی و براڵەیی گەلا و ئازادییشا و گرد زەحمەتییێوەش قبووڵ کەرد، دوعا مکەرمێ ئازاد بۆنە و هومێد مکەرمێ بگێڵۆوە پەی تەمامنای ئا ڕێ کە پەی ئازادی و ئینسانبییەی دەسش پەنە کەردێبێ، ئاد وەشەسیایش بە گرد کەسێوی بەخشا. پردەو وەشەسیای و ئاشتییش بەینوو ئینسانەکانە بەستە."

ئامسیح درێژەو قسەکاشنە واتش: "دوعا مکەرمێ ئی دەسوەڵیوزییە بۆ بە میاندەوڵەتی و گردوو جیهانیرە وەڵا بۆوە، چونکوم ئی کەسە دڵوو وێش ڕووەو گردوو گەلارە کەرەنۆ، تەنیا پەی گەلوو کوردی نەکۆشیان، هومێدما هەن ئازاد بۆ و تا ئاسایش مەنتێقەکەمانە سەروەر بۆ دۆعێ مکەرمێ."

ئامسیح واوەی واتش، کە پەشتگیریی هەڵمەتەو ئازادیی میاندەوڵەتی مکەرا.

ئاخروو سەردایەکەینە شاندەکە کتێبەکاو ڕابەر عەبدوڵا ئۆجالانیشا پێشکەشوو مار موریس ئامسیحی کەردێ.