دەیان هەزار کەس بە درووشمی "بژی سەرۆک ئاپۆ" ڕژانە گۆڕەپانەکان
لەو گردبوونەوەی بە درووشـمی "بۆ ڕەنج و ئازادی خۆمان، ڕێگە بە قەیوم نادەین" ئەنجام دەدرێت، دەیان هەزار کەس بە درووشمی "بژی سەرۆک ئاپۆ" و "بێ سەرۆک ژیان نابێ" ڕژانە گۆڕەپانەکان.
لەو گردبوونەوەی بە درووشـمی "بۆ ڕەنج و ئازادی خۆمان، ڕێگە بە قەیوم نادەین" ئەنجام دەدرێت، دەیان هەزار کەس بە درووشمی "بژی سەرۆک ئاپۆ" و "بێ سەرۆک ژیان نابێ" ڕژانە گۆڕەپانەکان.
هێزەکانی ڕەنج و ئاشتی و دیموکراسی دژی دەستبەسەراگرتنی شارەوانی جولەمێرگ بە درووشمی "بۆ ڕەنج و ئازادی خۆمان، ڕێگە بە قەیوم نادەین" لە ئیستەنبوڵ گردبوونەوە ئەنجام دەدات. هەزاران کەس ڕژانە گۆڕەپانی گردبوونەوەکە.
لە کاروانی بەشداربووان پانکارتێکی مەزن "لە ١٩٢٥ تا ١٩٩٩ سەرمان نەوی نەکرد و سەر نەوی ناکەین" بەرزکرایەوە کە تیشک دەخاتە سەر لەسێدارەدانی شێخ سەعید و هاوڕێکانی لە ٢٩ ی حوزەیرانی ١٩٢٥ و بڕیاری لەسێدارەدانی رێبەری گەلی کورد عەبدوڵا ئۆجالان کە لە ٢٩ ی حوزەیرانی ١٩٩٩ درا.
پارتە سیاسییەکان و سەندیکا و گرووپ و ڕێکخراو و دەزگا و پلاتفۆرمەکان بە ئاڵای خۆیانەوە بەشداری کاروانەکە بوون.
لە کاروانەکەدا درووشم و پانکارتەکان دژی قەیوم و دەستبەسەراگرتنی شارەوانی جولەمێرگ بەرزکرایەوە.
بێ پچڕان درووشمی "بژی سەرۆک ئاپۆ" بەرزکرایەوە
وتەبێژانی کۆنگرەی دیموکراتیکی گەلان (هەدەکە) ئەسەنگوڵ دەمیر و جەنگیز چیچەک و پەرلەمانتارانی دەم پارتی و هاوسەرۆکی شارەوانی جولەمێرگ ڤیان تەکچە لەپێشی کاروانەکە بوون و جەماوەر بە درووشم ڕژانە گۆڕەپانەکان.
لە چالاکییەکەدا پانکارتی "بۆ ڕەنج و ئازادی خۆمان، ڕێگە بە قەیوم نادەین" هەڵگیرا و بێ پچڕان درووشمی "بژی سەرۆک ئاپۆ" و "ڕۆژی لێپرسینەوەی گەل لە ئاکەپە دێت" و "بەرخۆدان بکە جولەمێرگ، ئیستنەبوڵ لەگەڵتە" و "بە یەکێتی سەردەکەوین" و "بژی یەکسانیی گەلان" و "هەموو جێیەک بەرخۆدان، هەموو جێیەک جولەمێرگ" بەرزکرایەوە.