شناسنامەو گەشمەرڏا تشرینی ئەرەیاویا
ئەنجوومەنو بنەیانەو گەشمەرڏا شارو قامیشلۆی شناسنامەو ٥ کەساش کە جە هرووژمەکا دۆڵەتو ئەرەگیرو تورکینە بەنداو تشرینینە گەشمەرڏێ بیێ، ئەرەیاونا.
دۆڵەتو ئەرەگیرو تورکی هیزی وێرەگا هرووژمش کەرد سەرو ئێشکگیرا بەنداو تشرینی جە ئەنجامو بۆمبوارانەکەی ٥ کەسێ گەشمەرڏێ بیێ و زیاتەر جە ٢٠ کەسا زامڏارێ بیێ.
ئەنجوومەنو بنەیانەو گەشمەرڏا شارو قامیشلۆی نامێ گەشمەرڏا هرووژمەکەی سەرو ماڵپەڕو تایبەتو وێش جە دیجیتاڵەنە وەڵاش کەردۆ.
بە پاو ئەنجوومەنو بنەیانەو گەشمەرڏا، نامێ گەشمەرڏا: ئەکرەم ڕخۆ، کێفۆ عوسمان، مەنیجە حەیدەرە، موزەفەر محەممەد و عەبدولقادر ئیبراهیم.
