سۆهر: جە ماوەو٢٤ سەعاتانە ١١کەسێ کوشیێنێ
ڕوانگەو سوری پەی مافەکا مرۆڤی(سۆهر) ئەرەیاوناش، جە ماوەو ٢٤ سەعاتا ویەردەینە ١١ کەسێ کوشیێنێ.
ئامارەو سۆهری
بەپاو ئامارەکا ڕوانگەو سوری پەی مافەکا مرۆڤی، جە ماوەو ٢٤ سەعاتا ویەردەینە ١١ کەسێ جە ناوچە جیاجیاکا سووریاینە کوشیێنێ.
ڕوانگەو سوری پەی مافەکا مرۆڤی ئەرەیاونانش؛ بە مەڵامەتو تەقایۆ ئەڵغامی بە تڕۆمبێلو سەروازی هێزەکا دیمەشقیرە ٥ ئەندامێ هێزە ئەمنییەکا جە ناوچەو ئەلیانیەو پانیشتوو پالمیرای کوشیێنی. هەرپاسە جە دەگاکا پانیشتوو قونەیتراتینە زاڕۆڵێوە بەمەڵامەتو تەقایۆ پاشماوەو ئەڵغامی گیانش جەدەسدا.
هەرپاسە شارو حەرەستاینە کەسێ کە دووێ ڕوێ چێوەڵتەر جەلایەنو چەکدارەکاوە بڕفانییان، تەرمەکەش جە دەگاو دیمەشقینە ئێزیانۆ. بەرکەوتەن بە فیشەک کوشیان. هەرپاسە تەرمو کەسێوە تەری کە وەڵتەر بڕفانیا بێ جە دەگاس بێرینی جە حەمانە ئێزیاوە.
هەرپاسە جە دەگاکا سەرنیشتوو حەلەبی کە ئینا چێرو ئەرەگیرا دۆڵەتو تورکینە، هێزەکێ حکومەتو دیمەشقی پەی ڕزگارکەردەو دیلێوە سەرو زینانیکەرێ مڏانە و جەنگ ڕووەمدۆنە . جە ئەنجامەنە ئەندامێوە هێزەکا حکومەتو دیمەشقی کوشیا.
وە جە شارو ئیدلیبی کەسێوە کاتو گەمەکەردەی بە تفەنگو ڕاوکەردەی گیانش جەدەسدا.
