مییانو ئەرەیاونا و چاپەمەنی هێزەکا پارێزناو گەلی (هەپەگە) دەربارەو بەردەوام بییەو هرووژمە ئاسمانی و زەمینییەکا سووپاو دۆڵەتو تورکی ئەرەگیری ئەرەیاونێوەش وەڵا کەردۆ.

ئەرەیاوناکەو هەپەگەی پی جۆرە بێ:

"دماو ڕاگەیاندنیئەرەیاوناو ئێربەسو پارتو پەکەکەیما و فەرمانو فەرماندەیی قەرارگەو مییانو گەلەکەیما، هێزەکێما جە ١و ئاداری ٢٠٢٥یۆ پێگەو ئێربەسیۆ. بەڵام چنی ئانەی هێزەکێما ئینێ پێگەو ئێربەستەینە، هرووژمەکێ سوپاو دۆڵەتو تورکی جە ئاسمان و زەمینۆ بەردەوامێنێ.

هەرێمو گەشمەرڏە دەلیلو وەرنیشتوو زاپی؛

جە ٢٦و شوباتی سەعات ١٠:٤٠نە جە مێڏانو  کەشو جودینە بە چەکی قورس دەسوەردای جە ئەرەگیرا کریا کە جە جموجۆڵەنە بێنێ.

جە ٢٧و شوباتی سەعات ٠٧:٢٥نە جە مێدانو کەشو جودی جە لایەنو هێزەکا یەژا ستارماوە گورزە جە جوڵەو ئەرەگیرا شنیا.

جە ١و ئاداری بەینو سەعات ١٧:٣٠ پەی ١٨:٣٠نە جە مێڏانو کەشو ئامێدی دەسوەردای جە ئەرەگیرا کریا کە گەرەکشا بێ بەرو مەڕەکاما بلانە و تەکنیکەکا جەنگێ جێگیر بکەرا. جە ئەنجامو دەسوەردانەکەینە ئەرەگیرێ بە سزا یاوا.

جە هەرێمو گارەی؛

جە ٢٦و شوباتی سەعات ١١:٣٠نە جە هەرێمو دینارتەی جە ئەنجامو هرووژمو فڕۆکەی جەنگینە هەمڕاما دەلیل گەشمەرڏە بیی. زانیاری وەرفراوان سەرو شناسنامەو هەمڕای گەشمەرڏەما، دماتەر پەی گەلوو وڵاتپارێزیما و ڕاو گرڏی وەڵا مکەرمێوە.

هرووژمەکێ سوپاو تورکی ئەرەگیری بە تەقەمەنی قەدەغەکریای؛

جە ١و ئاداری جە هەرێمو گەشمەرڏە دەلیلو وەرنیشتوو زاپینە، مەڕەکێما جە مێڏانو کەشو جودی ٤ جارێ بە تەقەمەنی قەدەغەکریا بۆمبواران کریێنێ.

١ و ٣ی ئاداری جە هەرێمو گەشمەرڏە دەلیلو وەرنیشتوو زاپینە مەڕەکێما جە مێڏانو کەشو ئامێدی ٣ جارێ بە درۆن ‌ بۆمبوران کریان.

هرووژمەکێ سوپاو تورکی ئەرەگیری؛

ڕووەکا ١،٢،٣ی ئادارینە جە هەرێمو گارەی مێڏانەکا سپیندارە، کەشو مەسەکەنە، دێڕەشە و دەشتو کافیا ٦ جارێ بە فڕۆکەی جەنگی بۆمبواران کریێنێ.

ڕوەکا ١،٢،٣ی ئادارینە جە هەرێمو خواکوڕکی مێڏانو بەربزنە، لۆلان، کەندەکۆلا ٢٨ جار، جە هەرێمو گارەی مێدانەکا دەشتو کافیای، دێڕەشە، سپیندارە، مژێ، گرگاشە، شاخی زەنگل، کانی سارکە، زێڤکە، ١٣٨ جار، جە هەرێمەکا مەتینای مێڏانەکا سەرو مەتینا، شێلازە، بێشەلی ١٧٣ جار، جە هەرێمو گەشمەرڏە دەلیلو وەرنیشتوو زاپی مێڏانەکا کەشو جودی و کەشو ئامێدی ٧٣٣ جارێ؛ بە گرڏی ١٠٧٢ جار بە چەکی قورس و بۆمبواران کریێنێ."