سەرۆککۆماری وەڵینوو فەرەنسای فرانسوا ئۆلاند ١٥و ئایاری هۆڵوو زانکۆو بریتانی سودی شاروو لۆریێنتینە سەروو بابەتوو پارێزنای ئەورووپای قسێش پەی نزیکەو ٣٠٠ وانیارا کەردە.

کۆنفڕانسەکەنە وانیارێوی کورد، یادش وستۆ کە لە کانوونو دووەموو ٢٠١٣ینە یەرێ ژەنێ شۆرشگێڵنێ کوردێ تیرۆرێ کریێ و بارەو دەسوستەینە دەوڵەتوو تورکیوە پەرساش.  

فرانسیس ئۆلاند واتش، کە دۆخەکە ئینا لای سەریی دەسوستەینەوە و واتش، "ئانە دۆخێوی فرە جیددیتەرا، پەوکای ئۆپراسیۆنێوی پاسنە بێ، کە ئێمە بە خاسش نمەزانمێ، کە چە ئاستێوە دەوڵەتوو تورکینە قەرارش سەر دریابێ. بەڵام ئاشکرا و ڕۆشنا بکەراو ئۆپراسیۆنەکەی پەی کوشتەی کوردێو فەرەنسانە، کە ساعیبوو کەسایەتیێوی فرە قەوەتی بێ، دەسشا وستەبێنە".  

ئۆلاند پا قسا ئاماژەش پەی یوە جە ئەرەمەرزناو پەکەکەی سەکینە جانسزێ کەرد و واتش، "ئانە بەڕاسی دەسوستەینە دەوڵەتێوی بیانی بێ، کە ئەنداموو ناتۆین و کاندیدا پەی ئەنداموو یۆبییەی ئەورووپای".

٩و کانونوو یوەموو ٢٠١٣ینە نویسگەو زانیارییەکاو کوردستانی یوە جە ئەرەمەرزناو پەکەکەی سەکینە جانسز (سارا)، نوێنەرەو کەنەکەی پاریسنە فیدان دۆغان (رۆژبین)ە و ئەندامەو جمیەروو گەنجا لەیلا شایلەمەز (رۆناهی)یە تیرۆرێ کریێ.