جە شارو سیدنی ئوسترالیاینە بە سەرمەشقایەتی ناوەڼو گلېرگەی کوردی دیموکراتیکی (دەکتەم) هرووژمی ئەرەگیرکاری دەوڵەتو تورکی پەی سەرو پانیشتوو کورڎةسانی و خیانەتو پەدەکەی بە چالاکیێوە شەرمەزارۍ کریۍ. وێنە و ئاڵاو ڕابەرو گەلوو کورڎی عەبدوڵا ئۆجالانی بەرزۍ کریێوە.

هامسەرۆکو فیدراسیۆنو ناوەڼو گلېرگەی کوردی دیموکراتیکو نەمسای بروسک ئایڤەر ئەرەیاۋناش مەراموو هرووژم و دەوڵەتو تورکی ستاتۆو پانیشتوو کورڎەسانی و گرڎوو دەسکەوتەکا گەلوو کوردین، واتش: "نەک هەر پەکەکە، پەنەوازا گرڎ کوردێوە دژوو ئەرەگیری و خیانەتوو پەدەکەی ئەرەپڕۆ و ئەرەکۊشای گۊرە بکەرۆ".

سەرنوویسەرو ڕۆنامەو گرین لێفتی، پیتەر بۆیل واتش: "پەنەوازا ڕای گرڎیی بێدەنگ نەبۆ ۋەرا ۋەر بە هرووژم و دەوڵەتو تورکی پەی سەرو کوردا و کورڎەسانی".

چالاکییەکە بە گۆرانیۍ و درووشمۍ دمایش پنەئاما.