ئەڼامەو دەسەی سەرۆکایەتی گرڎینەو کەجەکەی سۆزدار ئاڤێستا جوابوو پرسیارەکا ستێرک تی ڤیش دێوە، کە دەقەکەش پی جۆرەنە:

ئێساڵ ٤٢ەمین ساڵیاڎو مڎرامانوو ١٤و تەمووزین. ئا چالاکیە نەک هەر جە زیڼانەکانە، بەڵکم جە سەرانسەرو کورڎەسانینە کاریگەریش نیارە. نەریتێوە مڎرامانیش وەشکەرد. بە گرڎیی جە بارەو مڎرامانوو ١٤و تەمووزیۆ شمە گەرەکتانە چېش بواچدۍ؟

جە ٤٢ەمین ساڵیاڎوو مڎرامانوو ڕۊچۍ مەردەی گەورەو ١٤و تەمووزینە وەڵۍ گرڎ چێوێنە هەمڕایا کەمال پیر، محەمەد خەیری دورموش، عاکیف یەڵماز و عەلی چیچەکی بە رێز، پنەزانای و منەتبارییوە یاڎ مارووە. جە کەسایەتی ئا هەڤاڵانە ئا هەمڕۍ کە سەرو هێڵۊو رابەر ئاپۆیۆ کۊشیایشا بەرزکەردەنۆ و یاوێنۍ بە ئاستوو گەشمەرڎەبیەی بە رێزۆ یاڎشا مکەرووە، سەرەو وێم ۋەردەم و گەشمەرڎا ئازاڎینە منامنوورە. قەول واوەی مکەرمېوە کە بە دڵنیاییوە ئامانجەکاشا مارمېنە دی. چی ڕووە شکۆدارەنە وەردەم و گەلوو کورڎەسانی و گەلا هەرێمەکەینە ئی قەولیە واوەی مکەرمێوە.

سەبارەت پی ڕووەیە قسۍ فرۍ هەنۍ کە مشۆم بکریا. جە هەمان کاتەنە هیج نەمەنەن کە نەوچیابۆ. بە تایبە ئا قارەمانۍ، فیداییاو هێڵۊو مڎرامانی، هەمڕایا بەقیمەتی کە نەک هەر گەلوو کوردی بەڵکم شکۆو گرڎوو نەتەوە دیموکراتیکەکاشا پارېزنا، بە ئەرەکۊشای، هەڵوێس و رەنجی گەورەو ۋێشا جە وێشەنە واچەن یا قسێنە. هەرپۊکەی ئێمە هەرچیێچ بواچمۍ کەما. ئانەی گنۆ ئەستۆما یاڎوو ئا ڕوانە، نیشاندای رێز و تامەزرۆییمانە پەی ئا هەڤاڵا.

جە قۆناغەو فاشیزمی ١٢و ئەیلولینە جمیەری ئاپۆیی هەڵای جە ئەرەمەرزناینە بۍ. بە گێرتەو ئا هەڤاڵا جە کورڎەسانەنە و حەرپاسە جە تورکیانە گەرەکشا بۍ هیواو شۆڕشگېڵنی پاکتاو بکەرا. گەرەکشابۍ مەلۊتکێوە کە هەڵای نامان دنیاوە خنیکناش، کوشاش. گەرەکشا بۍ ۋەر بە وەشبیەی جمیەری، گەورەبیەی و ئەرەکۊشای بگېرا.

ۋەروو ئانەی جە زیڼانەنە هرووژمشا کەرد سەرو سەرمەشقەکا جمیەرو ئازاڎیی پەکەکەی. ئەشکەنجێوە دژوارشا دۍ. گرڎوو بەهاکا کە بە نامۍ مرۆڤایەتیوە وەشکریابۍ بە ستەموو ۋێشا پاشێلشا کەردۍ، جە ۋەرا ۋەرو شۆڕشگێڵنانە ستەم و ئەشکەنجێوە دژوارشا ئەنجامدا. جە ۋەرا ۋەرو ئا ستەم و ماڕاینە سەرەتا ٢١و ئادارو ١٩٨٢ کاوەی سەردەم هەمڕا مەزڵوم دۆغان بە یەرۆ دڼە شقارتۍ شۊڵەچراوەو ئازاڎیش گیسنانە و ڕاو ئەرەکۊشایش ڕۊشنەکەردۆ. چوار هەڤاڵەکە چا ڕێنە هەڵوێسشا نیشانەدا، بەهاکۍ مرۆڤایەتیشا پارېزنۍ و جە ١٨و ئایارو ١٩٨٢ېنە چالاکیشا کەرد. ۋێراگرا ١٤و تەمووزی بە مەراموو سەروستەی چالاکی مەزڵوم دۆغانی و چوارەکەی دەسشا بە چالاکی کەرد. ئا چالاکیە چالاکیۍ قەرارداری گەورەبۍ. واتە جە ڕاو ئا چالاکیەیۆ قەرارو ئانەیشا ئەرەیاۋنا کە ' پەشیمانبیەیۆ چی دۆزەیە بیەیش نییا'. جە لېوەتەرۆ چالاکیێوە پا جۆرە گەورەشا کەرد کە گرڎ ڕووۍ تاریخێوەش وەشکەرد. چېرو ستەم و زۆرداریۍ پا جۆرەینە جەسڎەو ۋێشا پېسە مۆمۍ تاوناوە. پېسە ئانەی رابەر ئاپۆیچ جە کاتوو ۋێشەنە واتش، ئا هەمڕۍ شکۆو ئێمەشا پارېزنا، ئشناسنامەو پەکەکەیشا پارێزنا. پەکەکە جە زیڼانو ئامەدینە، جە دژوو فاشیزمی فاڕیا پەی هێڵێوە مڎرامانی جە کەسایەتی ئا هەڤاڵانە، ئا هەڤاڵۍ پەی ۋێشا بیۍ بە پەکەکە. پەکەکە بی بە کەمال، خەیری، عەلی چیچەک، مەزڵوم. چا سەردەمەنە یۆ چا هەمڕا ژەناما کە بەشداریش جە جمیەرو ئازاڎیی پەکەکەینە کەرد هەڤاڵ سەکینە جانسزە (سارا) بۍ کە ئاڎەیچ بەشدارەبۍ چنی ئا هەڤاڵا. پېوەرە مڎرامانی گەورەشا کەرد. ئا مڎرامانە بی بە ئامیانو جمیەرو ئازاڎیی کورڎەسانی، بی بە دڵسۆزیۍ راس چنی شۆڕشگێڵنا پەکەکەی و رابەر ئاپۆی، دژو ستەمی بی بە پێودانگو وەفاڎاریۍ دروسی پەی شۆڕشگێڵنا پەکەکەی و رابەر ئاپۆی جە دژوو ستەمی بی بە پێودانگۍ هەڵوێسی راس. ڕاو ئشناسای دوژمنی و هۊرشێونایۆش جە ۋەرا ۋەرو دوژمنینە نیشانەدا. واتە بە مڎرامان ئانەش نیشانەدا. ئەگەر ٤٢ ساڵۍ چێوەڵتەر جە زیڼانو ئامەدینە مڎرامانێوە پا جۆرە نەکریۍ، ئا هێڵۍ دەسنیشانە نەکریۍ، بێگومان  مرۆڤ نەتاوۍ باس جە جمیەرو ئازاڎیی کورڎەسانی بکەرۆ.

٤٢ ساڵۍ چێوەڵی جە سەرانسەرو کورڎەسانینە هیچ چێوۍ نەمەنەبۍ بە نامۍ کورڎی کورڎەسانیوە. جمیەرە ریفۆرمیستەکۍ بە نامۍ کورڎەسانیچۆ نەبۆ خاوەن کۆمەڵەی هەرێمی بێنۍ بەڵام ئانۍ بە نامۍ کوردایەتی، شۆڕشگێڵنی کورڎەسانی، چەپگەریوە ئەرەکۊشای سەرەمڕە ڕاوەبەر کەرێنۍ و تا دمایی بەردشا سەر ئەندێشە و فەلسەفەو رابەر ئاپۆی و ئا هەمڕایابۍ کە دەورو ئا هزر و فەلسەفەیرە بێنۍ.

رابەر ئاپۆ جە بارەو ئا هەڤاڵاوە هۊرسەنگنای ناوازە و شیاوش کەرد. پەی نمونەی پەی کەمال پیری واتش، 'ئاڎ زېڵۍ شاراوەو منا'. ئا هەڤاڵۍ بە چ زېڵۍ و فەلسەفێوە ۋێڕاگریشا کەرد. ئا کاتە هیچ راسپاردێوە نەبۍ، تەنیا بڕواشا بە دۆزو ئازاڎیی بۍ. مڎرامانوو ۋێشا سەرو ئا بنەمایە بەرد ڕاوە. هەرپۊکەی ئا هەڤاڵۍ ئا چالاکیێشا بە زانابیەی ئەنجامدۍ. بێگومان زانێنۍ کە چالاکی ئاڎیشا میاوۆ بە کۆ. واتشا رابەر ئاپۆ بە شێوێوە دروس نوێنەرایەتیما مکەرۆ و تا دمایی بەردەوام مبۆ.

هەرپۊکەی قەرزاربارۍ ئا هەڤاڵانمۍ. ڕاوەبەردەی دۆزو ئاڎیشا، سەروستەی مەرامەکا ئاڎیشا پەی گرڎیما فەرمانێوە یاخوڎ قەرزێوەن سەرماوە. گەورەکەردەی ئەرەکۊشای سەرو هێڵۊو ئازاڎیی ژەنۍ و رابەر ئاپۆی، تەنیا بە رێبازو کەمال، خەیری، عاکیفی و عەلی مبۆ. فەلسەفێوە پا جۆرەنە ژیۋای ئازاڎشا خوڵقنا کە سەرەڕاو ئانەی جەسڎەشا تاویێوە واچێنۍ 'وەسۍ نییا'. نمونە خەیری دورموش واتش، 'کاتێ گەشمەرڎەبیا سەرو کێلەو قەبرەکێمۆ بنویسدۍ قەرزارو گەلەکەیش بۍ'. نەریتێوە گەورەی پا جۆرەشا پەی ئێمە جیائاست.  ۋەرووئانەیچ ٤٢ ساڵېن، پایۍ منیۆ ٤٣ەمین ساڵەو بەردەوامبیەی ئا هێڵۊو ئەرەکۊشایۆ.

پېسە شمە جە قسەکاتانە واتتا؛ مڎرامانوو ١٤و تەمووزی نەریتێوە مڎرامانیش دماو ۋێش جیائاست و ئا مڎرامانە بە تەماموو کورڎەسانیرە وەڵابیەنۆ.

جە کەسایەتی رابەرو گەلوو کوردی عەبدوڵا ئۆجالانینە ئا نەریتەو مڎرامانی جە ئیمراڵینە وەڵابیۆ. شمە ئاژەو رابەرو گەلوو کوردی چنی هۊرمسەنگندۍ؟ جە لێوەیچۆ پەی ئازاڎیی عەبدوڵا ئۆجالانی هەڵمەتەکۍ بەردەوامەنە، ئاستوو ئا چالاکییە چنی هۊرسەنگندۍ؟

جە بنەڕەتەنە سەرو رابەر ئاپۆی سیاسەت پەیڕەو مکریۆ. کەلیمۍ گۆشەگیری وەسۍ نییا، کەما. جە کەسایەتی رابەر ئاپۆینە گەلوو کورڎەسانی ستەمێوە گەورەش ۋنەمکریۆ، سیاسەتوو قڕکەردەی و دلېنەبەردەی ڕاوەبەر مکریۆ. ۋەروو ئانەی رابەر ئاپۆ حەقەتینێوەن، ئایدۆلۆژیایێن، فەلسەفێوەن، سیستمێوەن. بیەین؛ پەی گەلوو کورڎەسانی، ژەنا ئازاڎیوازی و گرڎوو گەلا چەوەسیای بیەین. دوژمنەکەما ئانەی جە ئێمە عالتەر مزانۆ. عال مزانا رابەر ئاپۆ چ کەسایەتیێوەن، ئەرەکۊشایۍ چنین بەرۆڕاوە. پەی چێشی ئا ئەرەکۊشایە ڕاوەبەر مکەرۆ، ئەرەکۊشای یاوان بە چ ئاستێوە. ۋەرووئانەی مزانا ٢٦ ساڵۍ چێوەڵی پیلانگێڵنیی مېیاننەتەوەییشا ئەنجامدا، ٢٦ ساڵېن رابەر ئاپۆ ئینا ئیمراڵیی. هەرپۊکەی سیاسەتو قڕکەردەی بە یاسای تایبەت جە دژوو رابەر ئاپۆی پەیڕەو مکەرا.

چێگەنە مڎرامانوو ڕابەر ئاپۆی دژوو سیاسەتی قڕکەردەی گرنگا. بۆنەو مڎرامانوو ١٤و تەمووزیوە گەرەکما بواچوو. نمونەو ئا هامڕایاما کە جەماوەو ٦٠ ڕووانە ئەرەکۊشایشا کەرد و بە باوەڕیوە بەردەوامۍ بیۍ. ڕابەر ئاپۆیچ ماوەو ٢٦ ساڵان سەرو هێڵۊو ئی هەمڕایاوە ئینا ئەرەکۊشاینە. جە حەقەتینیچەنە تا مۍ بە ئاژێوە سەختتەرەرە ۋییەرۆنە. ڕابەر ئاپۆ فرە بە ۋەرفراوانی سیستەموو ئیمراڵیش هۊرسەنگنا. پەی نمونەی ڕابەر ئاپۆ کاتێ جە فرۆکەخانەنە گیریا واتش 'ۋیرچانەیە مکەرووە نە بوەرو، نە بوسو نە قسېچ بکەرو، مڎرامانۍ پی جۊرەیە نیشانە بڎەو. بەڵام هەزاران گەشمەرڎێما هەنۍ کە باوەڕشا پنەکەردێنمۍ و سەرو ئی هێڵێوە ئەرەکۊشایشا کەردەن. چا کاتەنە پەنەوازا فەلسەفەو ژیۋای بکەرمۍ بە بنەما پەی ۋێما. پەنەوازا قەولوو ئاڎیشا سەر بوزمۍ. حەرچڼە زەحمەت بۆ گرڎ ڕووۍ ۋێم پی جۊرە ۋییەرنو'. ڕابەر ئاپۆ زەحمەتتەرین ڕاش گېرتەنە ۋەر. ٢٦ ساڵېن بە قیمەتی گۊرە، بە مەرامی گۊرە، پەی گەلوو کورڎەسانی و گەلا ژیۋایش کەرد بە بنەما پەی ۋێش. ۋەرو ئینەیچ هیچ مرۆڤێوە دلۍ گۆشەگیری سەختو ئیمراڵینە نەک ٢٦ ساڵۍ بەڵکم نمەتاوۆ ٢٦ ڕوێچ مەنۊوە. پۊکەی ماچمۍ کارێوە دژ بە مرۆڤایەتییا.

خاسا، ئی گۆشەگیرییە چنین بماڕمۍ و ئازاڎیی ڕابەر ئاپۆی مسۆگەر بکەرمۍ؟ ۋەروو ئینەینە ٢٦ ساڵېن سەرو  هێڵەو ڕابەر ئاپۆی و گەشمەرڎا ئەرەکۊشایۍ بێهامتا ڕاوەبەر مکریۆ. بە فیداکارییەکەیش گۊرەیی شەهادەتی وەشبیەن. گەلەکەما هەر جارەو ئینۍ مېڎانێوەنە. بەتایبەت جە ١٠و تشریینوو یوەم و ٢٠٢٣ێوە پەی ئازاڎیی ڕابەر ئاپۆی هەڵمەتێوە دەسپنەکریان. جە ئیساتێچەنە ئینایمۍ قۆناغەو دووەموو هەڵمەتەکېنە. مېیاننەتەوەییە بیێنۆ. خاوەنداریکەردەیۍ گۊرە هەن. بەڵام کەچی گۆشەگیری هەر نەمەڕیان. ئازاڎیی جەستەیی ڕابەر ئاپۆی هەڵای مسۆگەر نەکریان. دەوڵەتا مېیاننەتەوەی بە چنەزانایۆ ئی چێویە چی ئاستەنە مازاوە. هەڵوێسوو سی پی تی، ئەنجومەنوو ئەوروپای نەفاڕیان، بە تایبەتی یاسا مېیاننەتەوەییەکۍ جە ئاستوو ڕابەر ئاپۆینە جابەجێ نمەکریۆ. پەی کوردا یاسا جابەجێ نمەکەرا. جە دەرنجاموو ئەرەکۊشایۍ فرەینە جە ١٧-١٩و ئەیلولینە ئەنجومەنوو ئەوروپای مژاروو 'مافو هیوای' وزانە رۆژەڤوو ۋێشاوە. پۊکەی پەنەوازا ئی قۆناغۍ بەشێوێوە تایبەت هۊرسەنگنمۍ. چالاکیەکۍ جە لایەنی یاساییوە، پەی وەڵاکەردەیۆ فکر و فەلسەفەو ڕابەر ئاپۆی پەنەوازا وەڵا بکریاوە. نمەبۆ بە شێوەو دادگایکەردەیۍ ئاسایی نزیکۍ بیمېوە. سڵام جە چالاکیەکا مکەرو کە تا ئیساتۍ فرە سەنگین و عال ئەنجامدریێنۍ. جە ئاستوو کورڎەسانی و مېیاننەتەوەیچەنە بەشداری بۍ.

هەڵمەتەکۍ بەردەوامەنە. جە ئاستوو کۆنفرانسینە، کۆنفرانس ئەنجام مڎریۆ، نوسینەگە یاساییەکۍ داواکاری پێشکەش مکەرا. ئەڎایا ئاشتیما بەرەو ئەنقەرە لوۍ، فرە بەتایبەت سڵام چانیشا مکەرو. بەڵام پەنەوازا پەی ئاینڎەی ئی چالاکیاما قەوەتتەرۍ بکەرمۍ.

جە قسەکاتەنە باسوو قسێوە خەیری دورموشیت کەرد کە واتەبێش 'سەرو قەبرەکێمۆ قەرزار بیەی بنویسدۍ'. سەرەڕاو ئانەی گیانوو ۋێش بەخشاش، ۋێش پېسە قەرزاری وینۍ. ئایە ئینە ڕا بە ئا مرۆڤا نیشانە نمەڎۆ کە پەی ئازاڎیی ڕابەروو گەلوو کوردی عەبدوڵا ئۆجالانی ئەرەکۊشا؟ جە هەمانکاتەنە قەرارداری چالاکی مڎرامانوو ١٤و تەمووزی نیشانە نمەڎۆ؟

بێگومان فرە گرنگا. ئانۍ تا ئیساتۍ کریێنۍ فرە گرنگېنۍ، پەنەوازا دەسنیشانبکریا. چالاکیەکۍ کە ماوەو ٢٦ ساڵان ئەنجام مڎریا، ئەرەکۊشای سەرو هێڵۊو گەشمەرڎا ئەنجام مڎریا. پەنەوازا کام ڕا و ڕێبازو چالاکی پەی ئازاڎیی ڕابەر ئاپۆی ئەنجام بڎریۆ؟ بە زېڵۍ ١٤و تەمووزی تاریخیوە پەنەوازا نزیکایەتی پەی چالاکیەکا نیشانە بڎریۆ. پېسە هەڤاڵا ئا کاتیە دەورێوە تاریخی بگێڵنمۍ. ئی دەورە بە فرەیی گنۊنە ئەستۆو کێ؟ بێگومان گنۆنە ئەستۆ جەنگاوەرا، کۊششکارا و سەرمەشقا تەڤگەریما، هەر یاگێوە کە فکر و فەلسەفەو ڕابەر ئاپۆییش پنە بیاوۆ هیوا پەی مرۆڤایەتی وەشمکەرۆ. ۋەروو ئینەی ئەرەکۊشای نمەبۆ تەنیا پېسە هینوو گەلوو کوردی تەماشە بکریۆ، پەنەوازا دۆسەکېچما پېسە ئەرەکۊشای ۋێشا بویناش. ۋێش پی جۊرە نزیکێش باوە. پۊکەی بە زېڵۍ ١٤و تەمووزیوە پەنەوازا جە گرڎ یاگێنە ئەرەکۊشای ۋەرفراوان بکریۆ، وەڵاکەردەیۆ فەلسەفەو ئازاڎیی و چالاکی بە شێوەو بنیاڎنیای سیستەمی بۆ. گرڎ تەمامکەرۍ یۆینۍ و پەیوەسېنۍ یۊترینیۆ. بنیاڎنیای سیستەموو رابەر ئاپۆی، گۊرەکەردەی ئەرەکۊشای سەرو هێڵۊو ئازاڎیی ژەنۍ، گرڎ پێوەرە لکەدریێنۍ. بە ئاردەی ئارای ئینەیۆ متاومۍ گۆشەگیری ئیمراڵی بماڕمۍ. گەر بەدەر چینەی هۊربسەنگیۆ ئانە کەموکوڵ مبۆ. ۋەروو ئینەی چالاکی ١٤و تەمووزی فرە گرنگا و ڕا نیشاندەرمانە. بە کام نزیکبیەیۆ، کام هەڵوێس، جە ئازاڎینە چڼە قەرارداری نیشانە بڎریۆ، جە فەلسەفەو ژیۋای ئازاڎینە پەنەوازا چڼە فیداکاری بکریۆ... نمەبۆ بواچمۍ وەسێن و تەمام. ئینە فرە گرنگا. نەک تەنیا بەشداربیەی جەچن چالاکیێوە، تا کاتوو دەسوستەی ئەنجامگیریێوە پەنەوازا مرۆڤ بەردەوام بۆ جە ئەرەکۊشای. حەقیقەتوو ١٤و تەمووزی پی جۆرەنە. پەنەوازا مرۆڤ بەردەوام بۆ. ئەگەر بزانۆ کە گیانوو ۋێش پەی ئانەیچ بەخشۆ، بەڵام زانۍ جە ئاینڎەنە ئی هێڵۍ مڎرامانیە گۊرۍ مبۆ. ئارۊیچەنە پەنەوازا سەرو هێڵۊو ئا هەڤاڵا خاوەنداری جە ڕابەر ئاپۆی بکەرمۍ. تەنیا پی جۊرە متاومۍ گۆشەگیری بماڕمۍ.

ڕابەروو گەلوو کوردی پەی جوابدایوەو کۆشیای ١٤و تەمووزی کوردستانەنە گەریلایەتییش خولقنا، ئارۆیچەنە گەریلا بە ڕۆحوو ١٤و تەمووزیوە مکۆشیانە. جە گرد لایێوی کوردستانینە جەنگ هەن، بەڵام پانیشتوو کوردستانینە جەنگیوی سەخت هەن. شمە کاریگەریی ڕۆحوو ١٤و تەمووزی چی جەنگەو ئیساتێو گەریلایەنە چەنی ورمسەنگندێ؟

وەڵێ گرد چیوێوەنە بەحورمەتۆ وە سڵام وەنەو گەریلاکاو کوردستانی مکەروو، وەزیرەکاو تورکی وەختوو ڕاوەبەردەی سیاسەتوو قڕکەردەینە ساڵەو ٢٠١٥یوە ماچا ' ئی وەهارە دمایی بە گەریلای مارمێ ' و 'سەرنیشتوو کوردستانینە گەریلا نەمەنەن' بەهاروو ٢٠٢٤ باگۆکنە، ماواوە تا سەرحەد، دێرسیمۆ تا بۆتان، وانۆ تا خەرزان گرد یاگێوەنە چالاکیێ گەورێ کریێنێ. گەشمەردێ بەنرخێ پێشکەشێ کریێنێ. کەسێتیی هامڕا شێخموس ملازگر و بێریتان چیا نورحەق، شەڕڤان، ئاخین، بروسک، فیراز، سەرهەڵداندینە گردوو ئا هامڕایاما  سەرنیشتوو کوردستانینە و هەرێمەکاو پارێزنای مەدیاینە گەشمەردێ بیێ یاد مکەرووە.

ڕاسیینە سەروو بنەماو خەتەو ١٤و تەمووزیوە جەنگێوە سەرەمڕ مکریۆ، جەنگوو گەریلای  ٣ێ تەمووزیوە هەرێمەکاو پارێزنای مێدیاینە پاش نیان قۆناغێوی تازەوە، چی؟ بۆنەو ئانەیوە حکومەتی فاشیستی ئینسانکوشوو ئاکەپە-مەهەپەی  گرد لایێوە پەشتیوانی جە پەدەکەی هورمگێرۆ، ئیساتێ بە هامپەیمانی چەنی داعشی جوگرافیاو پانیشتوو کوردستانیش ئەرەگیر کەردەن و ملکنۆش بە تورکیایە. ئینە پڕۆسێوی تازەن، ئیساتێنە جەنگەکە ئامێدی، دێرەلووک، دهۆکەنە مکریۆ. گەریلاکێ ئینێ مدرامانیوە بێوێنەنە دژ پی ئەرەگیرکاری و لکنایە. ٣ی تەمووزیوە چالاکیێ فرێشا کەردێنێ، گورزی گەورەشا وەنەو حکومەتی فاشیستی ئاکەپە-مەهەپەی دان. زانییان، کە دماین جار هەلیکۆپتەرێوە وزیانەرە وار، فڕۆکەی بێفڕۆکەوانێ وزیارە، ئا سەیارێ کە ڕا وەش مکەرا مکریانە ئامانج. پەی پارێزنای کوردستانی کۆشیاێوی فرە قورس مکەرا، ڕاسیینە ئینسان متاوۆ نامێش بنیۆ ئیرادیوی پۆڵایین فرە گرنگا. یەکینەکاو یەژا ستاری، هەپەگەی، تیمە گێڵیارەکێ، تونێلەکاو جەنگی، سەرەڕاو بەکارئاردەی چەکی کیمیاوی، مدرامانێوی گەورە مکەرا.

یانێ بە گردیوە جەنگوو گەریلای  پانیشتەنە پاش نیان قۆناغێوی تازەوە. پەی نموونەی جە گۆهەرز گەلی ڕاو بەینوو ئامێدی و دێرەلوکیشا وستەرە. ئینەیچ بەردەوامبییەی جەنگوو گەلین. خاوەنداریی جە بەها مرۆییەکا، خاوەنداریی جە  کوردستانی، جوگرافیاو وێشانە... ساڵەو ٢٠٠٨ینە گەلوو قادیشێ، بامەڕنی و دێرەلووک ناستشا تانکەکاو دوژمنی بەرەو زاپ بلانە. ئیساتێچ گەل هەمان وێگێری مکەرۆ.

بەڵام وەڵێ گرد چێوێوەنە چێوێو پێویسا ورسەنگنای ئانەیە بکەرۆ کە چەنی یاوان ئی قۆناغە. بەدڵنیاییوە مدرامانوو گەریلای بەردەواما و بەردەوامیچ مبۆ. گەریلا فیداییانە مدرامانوو وێش مکەرۆ. ئا چەکە کیمیاوییەی جە ناتۆیوە ورش مگێرۆ دژوو گەریلای بەکارش مارۆ. گەریلا بە شێوازێوی سەردەمی،زیرەکانە، زانستی و بە ئیرادەێوی پۆڵایینۆ مدرامان مکەرۆ. بەڵام سیاسەتێوە، کە پانیشتوو کوردستانینە مکریۆ چەنینەن؟ پانیشتوو کوردستانینە جە کەسایەتیی بنەیانەو بارزانیینە خیانەتێوی گەورە مکریۆ. بێگومان گردوو پەدەکەی بەشدار نییەن چی خیانەتەینە. گردوو بنەیناەو بارزانییچ بەشدارێ نییەنێ. بەشێوە جە ئەنداماو بنەیانەو بارزانیی دژوو ئی خیانەتەینێ. بەڵام یەرە  بارزانییە دەسەڵاتدارەکێ؛ تاتە و کوڕ و کوڕەزا قەسەمواردێ دەوڵەتوو تورکینێ، کە ئا سیاسەتە کۆکوشییە بتەمامنا. پەی ئینەیچە بەئاشکرا خیانەت مکەرا. ئیتر شەرمشا جە حیچ کەسی نەمەنەن.

تەنانەت چی دماییاوە سەرمەشقایەتیی ئەرەگیرکەرا مکەرا. فەرمانداراو ناوەندوو پارێزنای گەلی ئەرەیاوناش، دیمەنیچ هەن؛ جە ڕایەکانە شناسنامەو گەلی مپشکنانە. یاوان ئا حاسە، تەوقەو دەگایەکا مدانە، نمازانە کەس بەرەو حیچ یاگێوە بلۆ. گردوو ئینیشا نیشانەدەرێ ئانەینێ کڕنووش مبەرا. بنەیانەو بارزانی یاوناشا ئاستێوە، کە هەوڵێ ئانەیە عێراقیچ بکێشانە دلێ ئی گەمە گڵاوەیوە. حەر ڕووەو سەرێ عێراقی مدا و وەرپەرسێ باڵێ موینا، پلانەی تازێشا چەنی منیانێرە، بێئەخلاقیێوی گەورە مکەرا. چی دماییاوە، ڕوەکاو وەڵێنە، واچێنێ ئاویر کەوتەیوە بییەن، کراوە، هەوڵێشادێ بوزانێش سەروو تەڤگەروو ئازادیی. ئادێ بییەی پەکەکەی بە نەبییەی وێشا مزانا.  

پەوکای گەلوو ئێمە پانیشتوو کوردستانینە و گردوو گەلەکەیما هەر چوار پارچەو  کوردستانینە، بەرۆ، دۆساو گەلەکەیما، بەتایبەتی ڕۆشنویرێ، هونەرمەندێ، ئاکادیمییەکێ، پارێزنەراو مافوو ئینسانی، ژەنی و گەنجێ پانیشتوو کوردستانی پێویسا گرد لایێوە ئانەیە بوینا، کە ئیساتێ پانیشتوو کوردستانی ملکنیۆ بە تورکیایوە. یانێ دوژمن چێگە بنێ وێش موزۆ.  

ڕابەروو گەلوو کوردی عەبدوڵا ئۆجالان ورسەنگناێوەنە گەشمەرداو ١٤و تەمووزیش پێسەو پردێوە بەینوو مەرگی و ژیواینە، کۆیلایەتی و ئازادییش پێناسە کەردێنێ. بەپێچەوانەوە موینمێ پەدەکە پێسەو پردەو خیانەتی چانێنە و خیانەت سەروو گەلیرە مسەپنۆ، نموونەو عەفرینی، ئڕفانای ژەنا، دەسدرێژی، ئا کۆکوشییە چەتەکاو ئەردۆغانی شەنگالەنە کەردشا، مەنتێقەکاو ئیدلبینە، کە لاو دەوڵەتوو تورکیوە ئەرەگیرێ کریێنێ هجووم مکریۆ سەروو ژەنا. بانگەوازی تایبەتیی شمە  چێشا پەی ژەنا چی بارودۆخەنە؟ ژەنی چەنی متاوا دژ پی هجووم و دەسدرێژییا کاردایۆشا بۆ؟

بەتایبەت گەرەکما ئینەیە بواچوو. جەنگوو پانیشتی و عێراقی، ئا هجوومێ ئیساتێ بەردەوامێنێ، فرە جیددیتەر و جیاواز جە هجوومەکاو ساڵەو ٢٠٢٢. ئانێ گەرەکشانە ئەنجامشا بۆ. ماچا ئێمە قفڵش مکەرمێ، ڕاسییەکە ئانەنە وێشا قفڵشا کەردەن؛ شمە ئینەیە بە خاس مزاندێ. ئادێ گەرەکشانە وێشا چی قفڵبییەی ڕزگار بکەرا. ئادێ گەرەکشانە بارزانیی چی قفڵبییەینە ڕزگارێشا بکەرۆ. پێسە گەرەکشانە پەشتیوانی جە دەوڵەتوو عێراقی وربگێرا. چی قۆناغەنە گەلەکەما چەنی بکۆشیا؟ گەرەکمەن سەرنجەو خەڵکی پەی ئی بابەتەی بکێشنوو. پێویسا گەلەکەما بە وەرپەرسیێوی تارێخییوە بە یۆگێرتەێوی وەرفراوانۆ نزیکوو دۆخەکەی بۆوە. با بە شێوەو 'ساڵەی ویەردێ و ساڵاو وەڵتەرێ پێشتر جە دۆخەکەی نزیکێ نەبیمێوە'. با جە ڕاسیی دۆخەکەی خاس بیاوانە. دەسەڵاتداراو ئیساتێ پانیشتی ئادێشا ورەتێنێ. با کەس بە بێباکی نزیکوو دۆخەکەی نەبۆوە. با کەس وێش نەخەڵەتنۆ بواچۆ ئی جەنگە دژوو پەکەکەیا بەتەنیا. پەکەکە کێن؟ ئایا دلێنەبەرەی ئەنداماو پەکەکەی ڕەوان؟ پەکەکە ٥١ ساڵا پارێزوانو بەهاکاو ئازادیی گەلوو کوردیا. هەزارا گەشمەردێش چێگەنە دێنێ، ئیساتێچ تونێلەکاو جەنگینە دڵوو کوردستانینە، جوانتەرین کناچە و کوڕاو کوردستانی مدرامان مکەرا و شکۆو کوردستانی مپارێزنا. ئینێ بەها بەنرخەکاو گەلوو کوردستانینێ؛ کەسێ زانێ و بەحورمەتێ گەلووکوردینێ. گردشا بە فەلسەفەو ئازادی وەراوەروو سیاسەتوو پاکتاوکاریینە هەڵوێستوو وێشا نیشانە مدانە.

ئێساتێ گەرەکشانە سەروو بنەماو دلێنەبەردەی پەکەکەی بەهانێ پەی سیاسەتە پاکتاوکارییەکا بارانێوە، وێشا مخەڵەتنانێ و ماچا 'هجوومەکە دژوو پەکەکەیا'. گەلوو پانیشتوو ئێمە مزانۆ؛ ئەگەر پەکەکە نەبیێ گەلەکەما پانیشتەنە فرەو جارا کۆکوشییش سەرەرە کریێ. کەی هەڵەبجەشا جە ویرکەردەن؟ ئایا ساڵەو 1991یشا هۆش شییەنۆ؟ ئەگەر ئارۆ گەل متاوا بە ئاسانی پانیشتەنە بژیوا ئینا سەیەو گەریلاکاو ئازادیی کوردستانینە. پەوکای نمەبۆ کەس بخەڵەتیۆ. ئیساتێ کێ جە بنەیانەو بارزانی کوردایەتیی مپارێزنۆ؟ هیچ پەیوەندیێوەشا بە کوردستانیوە نەمەنەن. ئانێ کە وێشا بە کورد مزانا، بەهاکاو کوردیچ مپارێزنا، گلێرگەی ئێزدیی کە کولتوور و زوانی کوردی لاو ئادیشاوە پارێزریان و مەنەنۆ ٧٤ جارێ فەرمانیشا سەرەرە کریێنە. ئادێ ئەخلاقی کوردییشا پارێزنان و یاونان ئی ئاستە حەرچندە ٧٤ جارێ فەرمانیشا سەرەرە کریێنە. بنەیانەو بارزانی ئیساتێ گەورەتەرین دوژمنایەتی چەنی ئێزدییەکا مکەرا. داعششا سەروو گلێرگەی ئێزدیرە ئارد و بیێ بایسوو ئانەیە، کۆکوشی ڕووە بدۆ. دماتەر ئی بابەتەیە ڕۆشن مکەرمێوە. ئادێ قەرارشا دا هجووم بکریۆ سەروو شەنگالی و شەنگالشا بە داعشی ورەت. ئیساتێچ داعششا ئاردەن بامەڕنێ.

گەلوو شەنگالی سەیەو تەڤگەروو ئازادییوە جە فەرمانا و دلێنەشییەی ڕزگارش بی، ئیساتێ چێش مکەرا؟ ئیرادەو وێشا بونیات منیا، دەوروو کەشوو شەنگالینە ئەنجومەنوو وێشا وەش مکەرا، هێزوو پارێزنای وێشا ئەرەمەرزنا.  جەمێ بیێنیوە گەرەکشانە پێسەو ئینسانی سەروو خاکوو وێشاوە بژیوا. گرد ڕوێو فڕۆکەی جەنگی تورکیای بۆردومانێشا مکەرۆ. چند ڕوێ چێوەڵتەر هجوومش کەرد سەروو ئەرەیاونای ئازادی. بە ڕێزدارییوە یادوو پەیامکیانوو چرا ئێف ئێمی مراد میرزا مکەرووە، کە خەباتکارێوی چاپەمەنیی ئازادی بێ. هومێدوو خاسبیەیوە پەی هامڕا بریندارەکاش موازوو. سڵام جە کۆشیای گەلەکەیما شەنگالەنە مکەروو ومەبارەکباییشا وەنە مکەروو. پێویسا دەوڵەتوو عێراقی ئی چێوەیە بوینا. ئی جارە چی بازرگانی و سەوداکاریێوەشا کەردەن؟ بارزانی جە چند ڕوێ چێ وەڵتەرنە لوا بەغداد، چێشش کەرد؟ جە ئەنجوومەنوو موسڵینە قایمقاموو شەنگالی هورچنیا. گەر بارزانی دژوو گەلوو شەنگال نەبۆ، چی دژوو ئا هورچنیەیە مدراوە؟ ساڵەو ٢٠٢٠یوە  تا ڕێکەوتەینامەو تشرینوو یوەمی بیاونا یاگێ، بە بەردەوامی ئینا هەوڵێنە. پەی ئانەیە قڕکەردەی و فەرمانە بەتەمامەتی بیاویۆ یاگێ، جەخت چا ڕێککەوتەینامەیە مکەرۆوە. پێویسا گەلوو پانیشتی بوینۆش، کە پەیوەندییش بە بنەیانە و بارزانی و بە گەلوو کوردیوە چندە مەنەنۆ. ئانە دوژمنایەتیی کوردە ئازادان. ئا ڕوە هامڕاێوە چاپەمەنیینە جارێوی تەر باسش کەردەن، بەڕاسی جەخت جە خیانەتی مکەرۆەوە و گەرەکشەن کوردبییەی بەرۆ دلێنە. بەڵام ئا قۆناغە دماییش ئاما، وێش پێسەو پارێزنەرێوی کوردا نیشانە بدۆ؛ بەڵام هیچ پەیوەندیێوەشا پوۆە نەمەنەن! ئا قۆناغە بە کۆتا یاوا.

عەفرینەنە گرد ڕوێو ژەنی مکوشیا و مڕفانیا. کێ سەرمەشقایەتیی ئا دۆخەیە مکەرۆ، کێ ڕا بە دوژمنی مدۆ؟ ئەنەکەسەن کە پێسە چەنی  وەڵتەر چەتەکاو ڕۆژیش ئارێ ئیساتێچ چەتەکاو داعشێش ئاردێنێ.  گردیاگێوە کورسانینە ژەنی مکوشیانە؛ لە شەنگال و عەفرینەنە. هجوومەکێ دژوو شۆڕشوو سەرنیشتی و وەرکەوتو سوریای بەردەوامێنێ. بە تایبەت مدرامانوو گەلوو پانیشتیما دژوو ئی دۆخەیە گرنگەن. پێویسا خاس بنەیانەو بارزانیی بشناسمێ، بە تایبەت تاتە، برا و کوڕ. ئانێ کێنێ؟ گەلوو خاسووری گەلێوە بەنرخا. گەلوو خاسووروو کوردستانی گەلێوی وەڵاتپارێزنا و تارێخیوی دێرینشا هەن. ڕۆڵەی نموونەیێشا ڤیان، هەڵمەت و داستانشا هەنێ. هامڕا هەڵمەت دلێ دڵوو گەلیوە بەرکەوت. هامڕا هەڵمەت ئەنداموو سەرۆکایەتیی گردینوو کەجەکەی، میراتی ڕۆحی مدرامانوو ١٤و تەمموزی و ئەندامێوی پەکەکەی بێ. کێ هامڕا هەڵمەتش گەشمەردە کەرد؟ جە ئەنجاموو خیانەتوو ئادیشاوە گەشمەردە بی.

گەر پەکەکە نەبۆ کوردبییەی دلێنە مشۆ، تەڤگەروو ژەنە ئازادا دلێنە مشۆ؛ کۆیلایەتی و قڕ واوەی دەس پەنە مکەراوە، پەوکای پێویسا بە رۆحوو مدرامانوو ١٤و تەمموزیوە  دەوروو گەریلاکاو ئازادیینە، هەڵوێستوو ئیمراڵی و مدرامانەکاو گەریلاینە کۆشیای وەرفراوان بکەرمێ. پێویسا گرد کەسێوە مەیدانوو وێشۆ دژوو ئی سیاسەتوو قڕکەردەی و هجووما هەڵوێست نیشانە بدۆ. ئیتر چا بەینەیە مدرای نییەن؛ یان تۆ دژوو هجوومەکاو دووژمنی هەڵوێستت بۆ یان بەرەو خیانەتینە بە. ئیتر تاکەی؟ چەقوە یاوێنە سەروو پێشەی. خاسوورۆ تا سەرنیشت، هەرکۆنە کوردێوە ئازادی بپارێزنۆ، گەرەکشانە بەراش دلێنە. شێفی فاشیست ئەردۆغان گردوو هەوڵە دیپلۆماسییەکاو وێش سەروو دلێنەبەردەی کورداوە مکەرۆ. گرد وەختێوە لەسەروو دلێنەبەتەی کوردی خەریکوو سیاسەتکەردەیا. پەوکای بانگەواز وەنەو کوردا مکەروو، بەتایبەت گەلوو خاسووری، دژوو ئی ڕووەدایا کۆشیای وەرفراوان بکەرا.

دلێ مدرامانکەراو ١و تەمموزینە کەمال پیر واتەبێش، "ئندە ژیوایم وەش مسیۆ، پەیش مروو" و گردوو کۆشیاێوە پەی ژیوای ئازادی وەراوەروو کۆیلایەتیینە وەڵێ كەوت. ١٢ەمین ساڵیادوو شۆڕشوو وەرنیشتینە، ئا شۆڕشە جیهانەنە پێسەو شۆڕشوو ژەنێ پەسەند کریا و ژەنی  دەسەکەوتی گەورەشا بەدەس ئارد. بەڵام ئارۆنە وەراوەروو ئی دەسکەوتانە هجوومی سەخت مکریۆ. ئەردۆغان و ئەسەد جگە جەنگی ١٣ساڵەی،پەی دلێنەبەردەی دەسکەوتەکاو ژەنا ئینێ هەوڵێنە و جەمێ مبانێوە. پێویسا قوربانیدایەکاو  شۆڕشوو ژەناو وەرنیشتی سەرتاپاو جیهانینە چەنی هوربسەنگنمێ و ئی دەسکەوتا لاو ژەناوە چەنی بپارێزیانە؟

شۆڕش بە سەرمەشقایەتیی ژەنێ، ڕەنگ و دەنگوو ژەنێ و حەقیقەتێوە، کە ژەنی سەرمەشقایەتییش مکەرۆ، کەوتەن وەڵێ. کۆنگرەو ستاریچ سەرمەشقایەتیی ئی قۆناغەیشە کەرد، ئی شۆڕشە جە گەلەکەیما و گردوو گەلە ئازادیوازاو جیهانی مەباک مکەروو، هەزارا هەزارا گشمەردێما چا ڕێنە گیانشا بەخشا. گردوو گەشمەرداما بەڕێزدارییوە یاد مکەرووە. سڵام مکەروو جە ئەداو گەشمەردا، ئا ژەنێ مدرامانشا کەرد و بەتایبەت ژەنی گەنجێ کە ڕەنگەو وێشا دا بە شۆڕشو.

شۆڕشوو سەرنیشی و وەرکەوتوو سوریای شۆڕشێوی گەورە و هەمیشەییا. پێسە چەنی ئانەیە شۆڕشوو ١٧و تشرینوو یوەمی سەدەو ویسییەنە ڕووەش دا و کاریگەریی وێش کەرد سەروو تەماموو سەدەکەی، شۆڕشو سەرنیشتی و وەرکەوتوو سوریایچ  سەدەو ٢١یەکینە پێسەو سەدەو ژەنێ هەنگامەو وێش بە سەرمەشقایەتیی ژەنا نیا و پێسە وەشە بییە. ئی شۆڕشە کە فەلسەفەو ژەنێ ئازادێ و خەتەو ژەنێ ئازادێش بە بنەما گێرتەن، شۆڕشێوا کە بە هۆشمەندی و نرخەوە نامێ نریان. ژەنی جە سیستموو ئیساتێنە بنەمانە. جە کۆمیتەکاوە تا ئاستی باڵا جە وەشبییەی خۆسەرینە سیستموو هامسەرۆکایەتیی پەیڕەو مکریۆ و سیستموو ژەنێ ئازاد ێ مبریۆنە ڕاوە. ئینە پەی ژەناو جیهانی بییەن بە هومێدێوی گەورە و چندین کۆمەڵێ ژەنە ئەنتەرناسیۆنالیستا پەی پارێزنای شۆڕشی ئینێ کۆشیاینە. پێسە چەنی ئانەیە گەرەکشابێ هەنگامە یەکەمینەکاو پەکەکەی سجنەکانە  سەرکوت بکەرا، شۆڕشو سەرنیشت و وەرکەوتوو سوریایچ بەبێ ئانەیە ساڵەو ئەوەڵیش بویەرنۆ ڕووبەروو هجوومی بییۆ.  

دەوڵەتی فاشیست ساڵەکاو ئەوەڵوو شۆڕشینە دەرفەتش دا بە بەرەو نوسرەی هجووموو سەروو سەریکانی بکەرۆ. ئا وەختە کە مەڕیا ئی جارە ئیتر  ئەمجارە داعشش ڕێک وست، ئانە ماوەو ١٢ ساڵان لاو دەوڵەتی فاشیستیوە هجووم سەروو شۆڕشیوە هەن و بڕێ هەرێمێچش گێرتێنێ. هەرپاسە گەرەکشابێ ڕاو خیانەتوو بنەیانەو بارزانییوە شۆڕشی دلێنە بەرا. جگە گردوو ئینیشا سەرنیشتنە و وەرکەوتوو سوریاینە شۆڕش فرە کەوتەن وەڵێ. سیستەموو وێش وستەن وەڵێ، داراو پارێزناێوی ڕەسەنین و هەرێمەکاش مپارێزنۆ، چێوی  حەرە گرنگیچ جە سەرمەشقایەتیی ژەنێنە سیستمی ئیکۆلۆژیک، ئازاد و دیموکراتیک هەن و متاوانە بەرەو وەڵێش بەرانە، کە گرد ئینسانێوی ئیسفادەش چەنە هوربگێرۆ.

بێگومان هەڕەشێ گەورێ سەرو شۆڕشیوە هەنێ، سەرکردە فاشیستییەکێ گەرەکشانە چەنی سوریای پرۆسێوی تازە وەش پەنە بکەرا. چونکوم دوژمن گەرەکشەن ئا فرسەتا، کە لاو گەلاو سەرنیشتیوە و وەرکەوتیوە سوریا کەوتەن وەڵێ، بەراش دلێنە. ئینە ئامانجی سەرەکییشانە، بەدڵنیاییەوە ئا گەلاو سەرنیشتی و وەرکەوتوو سوریایە بێنێ، کە ئی شۆڕشەشا عەقڵیەتوو داعشینە پارێزنا و بە ئەنجاشا یاونا. شۆڕشو وورنیشتی شۆڕشێوی دیموکراتیکا، کە گردوو گەلا و ویروباوڕەکا بە بێ جیاوازیی مپارێزنۆ. پەوکای مشۆم عەرەب، سووریانی، گردوو گەلا و ویروباوڕەکاو هەرێمەکەی خاوەنداریی چی شۆڕشەیە بکەرا. هەرپاسە پێویسا تەرسەکێما ئیساتێ بوینمێ. جە ١٣ەمین ساڵیادوو شۆڕشو وەرنیشتینە،  وەراوەروو ئا هەڕەشانە پەرە بە پارێزنایی وێشا بدانە. جەنگی شۆڕشگێڵنانەو گەلی و وێپارێزنای بوزیۆ وەڵێ. ئینە نمەبۆ تەنیا پاسە بۆ کە لاو هێزە شۆڕشگێڵنەکاوە بپارێزنیۆ. ئینە شۆڕشو گەلیا، شۆڕشو ژەنان، شۆڕشو ئینسانیبییەی و ویروباوڕەکان. پەوکای پێویسا گلێرگێوە پەی وێش خاوەنداریی جە وێش و شۆڕشەکەیش بکەرۆ. پەوکای پێویسا لایەنوو یەکڕیزی و وێپارێزنای پتەوتەر بکریۆ. سەروو ئا بنەمێوە ژیوای وێشا ڕێک بوزانە، مشۆم پێسە خاوەنداریی جە شۆڕشی بکریۆ.

ئارۆ گەریلاکاو ئازادیی سەرەڕاو ئا گردوو زەحمەتا چەنی کۆشیای مکەرا؟ ڕابەر ئاپۆ ٢٦ ساڵێن چەنی کۆشیاێوی بێوێنە مکەرۆ؟  ١٤و تەمموزیوە تا ئارۆ حەر لەونێ بۆ کۆشیای مکریۆ، جە ١٢ساڵی ویەردەنە  شۆڕشو سەرنیشتی و وەرکەوتوو سوریای سەروو بنەماو ئا بەها پیرۆزا درێژەش هەن. من باوەڕم پاسنەن ژەنی و گەنجێ خاوەنداریی چی شۆڕشەیە مکەرا. وەروو ئانەیە ئیتر ئازادیی مشناسدێ، ئینە شۆڕشو ئازادییا، شۆڕشو ژەنان و گردوو گەلاو دنیێچ ئیلهامشا چەنە ورگێرتەن، چەمشا سەروو سەرنیشتی و وەرکەوتوو سوریاین. بەپاو سیستمی پەروەردە، چالاکییە دیموکراتیکەکا ژەنولۆژی ئی شۆڕشە پەرەش سانان و چەموو گردوو ژەنا ئینا سەروو ئی شۆڕشەیوە. چونکوم بە سەرمەشقایەتیی ئی شۆڕشەیوە هەنگامەی فرە وزیێنێ وەڵێ، کە بیێنێ بەهاو ئازادیی پەی گردوو گلێگەکا، پەوکای پێویسا گردما خاوەندارییش وەنە بکەرمێ.

 لایێوە تەرۆ قەراروو چارەسەری لاو ڕاوەبەریی سەرنیشتی و وەرکەوتوو سوریایوە مدریۆ. بەڵام ئێمە باوەڕمان پا چێوەیە هەن.. تا چێوەڵتەریچ مەیدانەکانە دژوو ڕژێموو ئەسەدی مدرێوە. بە گردین دەوڵەتوو تورکی بییەن بە هەڕەشێوی گەورێ مەنتێقەکەنە پەوکای بەرژەوەندیی دەوڵەتوو سوریای جە ئەرەمەرزنای سوریاێویە دیموکراتیکینە. خاستەرین ڕا پەی دەوڵەتوو سوریای نیشتەیرەین چەنی ڕاوبەرایەتیی خۆسەری دیموکراتیکی.

پەرەسانای ڕەنگ، پاریزنای، ئابووری و سیستمی پەی ژەنا فرە گرنگە و ئیسە ئا سیستەمە لاو  گردوو ژەناو جیهانیوە قبووڵ کریان و یاگی هومێدێوە گەورەیا. فرە پەی ئێمە گرنگا پەرەی زیاتەر پا شۆڕشەیە بدەیمێ. من  باوەڕم پاسنەن کە  ١٣ەمین ساڵەو وێشەنە زیاتەر گەشە مکەرۆ. جارێوی تەر ئی شۆڕشە گەورە و قەوەتە، کە بییەن مایێ ئیلهامی پەی ئینسانبییەی مەبارەکش مکەروو.

ئی پرۆسە فرە گرنگەن. ڕابەر ئاپۆ ٢٦ ساڵێن بە ئیرادە و شکۆیێوە گەورەوە درێژە پی مدرامانەیە مدۆ. هەرپاسە گەریلاکاو ئازادیی مدرامانێوی گەورە مکەرا. با مدرامان تەنیا جە مدرامانوو ئیمرالی و مدرامانوو زیندانەکانە سنووردار نەبۆ.  ٢٧و تشرینی دووەموو ساڵێ ویەردێوە، زیندانییاو پاژک و پەکەکەی، بە درێژەدای بە ڕێبازوو کەماڵەکان، مەزڵومەکان، عاکیفەکان، ساراکان، عەلییەکان و خەیرییەکان، مدرامانێوی گەورە مکەرا. زیندانەکانە ئانە ٤٢ ساڵێن ڕووبەڕووێ ئی خەتێ مباوە، واوەی داوا جە گەلەکەیمان، ڕۆشنویرا، ئاکادیمیستەکا، هونەرمەندا، ژەنا و گەنجا مکەرمێ، کە دەوروو گەریلاکاو ئازادی و ڕابەر ئاپۆینە یۆی بگێرا و سەروو بنەماو مدرامانوو ١٤و تەممووزیوە کۆشیای بیاونا بەرزتەرین ئاستوو وێش. پی شێوە بانگەوازوو من پەی گەنجا پاسنەنە؛ با بەشداریی ڕیزەکاو گەریلاکاو ئازادیی کوردستانی با. بەتایبەتی پێویسا گەنجاو خاسووری سەروو ڕێبازو هامڕا هەڵمەت، دیار غەریب، ڤیان سۆرانێ پەی پارێزنای بەهاکاو گەلەکەیشا بەشدارێ ڕیزەکاو گەریلای بانە. چوونکوم پێسە مزاندێ خاسوور ئینا تەرسێوی گەورێ داگیرکاری و ئەرەبڕیاینە.