تالب حەیدەری فۆتۆگرافەری باینگانی خەڵاتێوی جیهانیش بەردەوە

تالب حەیدەری فۆتۆگرافەری باینگانی خەڵاتو کانتێستی جیهانی تایبەت بە ”هونەر پەی ئۆتیزمی“ش بەردەوە کە پیکەرێوی بڕونزین.

کانتستی جیهانی فۆتۆگرافەری دماییش بە چالاکییەکاش ئاورد و جە میانشەنە  فۆتۆگرافەر تالب حەیدەری خەڵکو شارچەو باینگان-و سەر بە هەرێمو هەورامانی تاواش جە ڕاو وێنەکاشەوە خەڵاتی یەرەمین پەی وێش مسۆگەر بکەرۆنە.
حەیدەری جە بەشو ”هونەر پەی ئۆتیزمی“ـەنە تاواش پیکەرو بڕونزی کانتستەکەی بەدەست باوەرۆنە و بە ئی جۆرە خەڵاتی یەرەمین بەرۆنەوە.

ئەرەمەرزیاو خێرۆمەندی “Senses Cultural” ئەمەریکایی ساڵانە کانتستی جیهانی فۆتۆگرافەری جە ئاستو جیهانیەنە ساز مەکەرۆنە و ئامانجشەنە تا بە ئی شێوازە پەشتیوانی جە ئا کەسانە بکەرۆنە کە تووشێ نەوشی ئۆتیزمی بیێنێ و هەرپاسە سەبارەت بە نەوەشیەکەی گلێرگەی هۆشیار بکەرۆنەوە.