'تائێساتۍ جە کانتۆنو فراتینە ٧٥ هەزار تەنۍ گەنمۍ هۊرگیریێنۍ'
هامسەرۊکۊ دەسەی ڕاوەبەری کشتوکاڵو کانتۆنو فراتی سەوسەن دابانە ئەرەیاۋناش کە تا ئیساتۍ ٧٥ هەزار تەنۍ گەنمۍ جە کانتۆنو فراتینە هۊرگیریێنۍ و تا دنە گەنمۍ مەنێبۆ جە هیتیاراش مساناوە.
هامسەرۊکۊ دەسەی ڕاوەبەری کشتوکاڵی کانتۆنو فراتی سەوسەن دابانە سەبارەت بە هۊرگێرتەی گەنما قسێش پەی ئاژانسوو هەواڵوو فراتی کەردۍ.
**
سەوسەنە ئانەش وست ڕووە کە جە ١و حوزێرانیوە جە هەر یەرە ناوەڼو سایلۆو فراتینە گەنمە جە هیتیارا هۊرگیریێنە و واتش، "جە ١و حوزێرانیوە تا ١١و حوزێرانی هیتیارەکۍ سەردای دەسەو کشتوکاڵی کەرێنۍ و نۊبەتوو رادەسکەردەی گەنمەکاشا هۊرگێرێنۍ. هیتیارەکۍ بە هۊرمجیای گەنمەکاشا رادەس کەرێنۍ، دماو ئانەی بە گونی هۊرگیریۍ. جە یەرۍ ناوەڼا رۆڤی، چەلەبی و سرینەنە گەنمۍ هۊرگیریێنۍ. جە رۆڤی و سرینەنە بە گونیۍ گەنمۍ هۊرگیریێنۍ، بەڵام جە چەلەبینە بە گونی هۆرنەگیریۍ".
سەوسەن دابانە ئانەیچش وست ڕووە، "جە عەین عیساوە بەشێوە جە گەنما لوۍ پەی چەلەبی و بەشێوەیچشا لوۍ پە ناوەڼو هۊرگێرتەی کۆبیشی جە رەقا. چنی دەسەو کشتوکاڵی منبجیش عیلاقەما سازکەردەبۍ و بە فەردە و بە گونی گەنمېما پەی ئاڎیشا کیاستۍ. تا ٥/٧/٢٠٢٤ جە کانتۆنو فراتینە ٧٥ هەزار تەنۍ گەنمۍ هۆرگیریێنۍ. هەڵای هۆرگېرتەو گەنما بەردەواما و تا دڎنە گەنمۍ مەنۆ جە هیتیاراش مساناوە".
