جە گلېرۊبیەیۍ بانگەشەو هۊرچنیەینە جە پێنسیلڤانیا تەقە ۋنەو دۆناڵد ترامپی کاندیدو کۆمارییەکا کریا و بەسوکی زامڎاربی، جە ڕووەدایەکەنە بێجگە جە تەقەکەرەکەی کەسێوەتەریچ کوشیا و دووۍ کەسۍ تەرێچ زامڎارۍ بیۍ.
دماو ئانەی تەقە ۋنەو ترامپی کریا، پاسەوانەکێش جە شۊنماو گلېرۆبیەکەینە دوورشا وستۆ و دماتەر پۆلیس تەقەکەرەکەشا کوشت، کە جوانێوە تەمەن ٢٠ ساڵا بەنامۍ ماتیۆ کروکزی.
هاموەخت چا رووبەڕووبیەیۆنە کەسێوەتەریچ کوشیا و دووۍ کەسێچ زامڎارۍ بیۍ.
دۆناڵد ترامپ جە پەیامێوەنە ئەرەیاۋناش، تەنیا بە مەڵامەتوو گولەکێوە بەشێوە جە گۆشیش ڕوکیان. ترامپ دماو ئانەی چارەسەرش پەی کریا، خەسەخانەش جیا ئاستەن.
جۆ بایدن کاندیدو دیموکراتەکا هرووژمەکەش شەرمەزار کەردەن و ئەرەیاۋنانش، "تنووتیژی سیاسی جە ئەمریکانە ڕاش نمەبۆوە".
