دەوڵەتو ئێرانی جە ڕۋانی ۋیەرڎەنە، جە ڕاو زەمینی و ئاسمانیوە دەسش کەرڎەن بە هجوم و بۊمبۋارانو  کۆیسانەکا کۆساڵانی جە ۋەرکەوتوو کورڎسانی و حەر بەمەڵامەتو ئا بۊمبۋاراناوە بەشێۋە فرە جە دارسانەکا ئا مەنتیقەیە ئېرشا ۋنە وەربیەن و خەسارێوە گۊرە ۋەرو ژنیۋگەو مەنتیقەکەی کەوتەن.

ئینە جە وەختېنە، کە نەتەنیا ۋەرپەرسۍ حکوومەتی چا مەنتیقەنە پۍ کووشنایۊ ئا ئېریە حیچ هەڵۋێسېوەشا نەرمانان، تەنانەڎ ڕایچشا جە چالاکا ژیۋگە‌پارێزی و  یەرۍ کەسۍ بە نامەکا مووحسین دادگەر، سەعید دادگەر و یاسر سابری کە جە حۊڵو مرکنایرەی ئېرو دلۍ دارسانەکانە بېنۍ جە لایەن و ئا هێزاوە گیریېنۍ.

ئا هجومۍ سپاو پاسدارا زەختێوەن پۍ سەرو ئابووری ئەرەنیشتا ئا مەنتیقەیە کە بژێۋی ژیۋایشا بە کارەساتی ژیۋگەیی گنۊنە مەترسیۊ. سەرەڕاو ئینیشا گرڎی ئامانجی ئەساسی ئا بۊمبۋارانکەرڎەیە هێزەکۍ گەریلاینە کە پۍ مافو ژیایۍ ئازاڎی و ئازاڎیی ژەنۍ و ئێکۆلۆژی و دێمۆکراسی جەنگ کەرا.

هجومی وەحشیانەو دەوڵەتو ئێرانی پۍ سەرو جمیەری ڕزگاریوازی تەنیا هجومېۋە نیا کە سەرو خەڵک و یەکینەکا پارېزنا و  ۋەرکەوتوو کورڎسانی ملۊ ڕاۋە بەڵکم جە هەمان وەختەنە هجومو دەوڵەتو توورکیایچ بە چەکی قوورس و درۊن پۍ سەرو ۋېڕاوەبەری  ۋەرنیشتوو کورڎسانی وەردەواما.

حەر دۋە دەوڵەتەکە بە دڕنڎانەتەرین شێوە حۊڵ مڎا جمیەری ڕزگاریوازی کە ۋەران ۋەر پا دۋە دەوڵەتەیە ئینا کۊشیاینە  لاواز کەرا.

جە ٢٠  حوزەیرانو ٢٠٢٣، جە ڕاو فڕۆکەی بۍ فڕۆکەوانی، دەوڵەتو تورکیایوە، نوێنەرا ۋېڕاوەبەری ۋەرنیشتی، "یوسرا دەروێش"ە هامسەرۆکەو کانتۆنو قامیشلۊی و یاگەگیرەکېش "لیمان شیووش" ە و سایەقو ئاڎیشا "فووڕات تۆما"ی کۊتۍ ۋەرو هجومی دڕنڎانەو ۋېش.

جمیەرو ژەنا کورڎی کە ساڵانێوەن دژ بە ئەرەگیری و ئیمپریالیسمی و سیستمی پیا سالاری ئینا جەنگ و کۊشیاینە و حەر پی مەڵامەتۊ هەمیشە جە لایەنو ئی هێزاوە گنۊنە ۋەرو پەلامارە و ئا هجوما، هجوم پۍ سەرو فەلسەفەو "ژەنۍ، ژیای، ئازاڎیی" و تەمامو ئا ژەنا کە پۍ مافەکاشا ئینۍ کۊشیاینە.

دەوڵەت نەتەوە و "یۊگېرتەیی" ئاڎی چنی جمیەرو ژەنۍ ژیای ئازاڎیی!

ساڵەی ۋیەرڎۍ کە ئاخېزو ژەنۍ ژیای ئازاڎیی جە گرڎو جەهانینە دەنگش داوەو بە تایبەت جە ۋڵاتو ئاڵمانیاینە بەهەزاران کەسۍ ئامۍ سەرو جاڎەکا و پەشتیوانی ۋېشا پۍ خەڵکو ۋەرکەوتوو کورڎسانی و ئێرانی بەربڕی، "ریکاردا لانگ"، قسەکەرەو سیاسەتو ژەنا و وەرپەرسەو فیدڕاڵی سەوزەکا چنی "ئوومید نووری‌ پوور"ی، ئەرەیاۋناشا: " ئێمە مەکریۊ ئا ڕۋەدایا ۋەروچەما نەگېرمۍ"، پی جۊرە ۋڵاتە ئەورووپیەکۍ حۊڵشا دا پا قسۍ جە تۆڕە کۆمەڵایەتییەکانە و جاڎە و پاڕڵمانەکا ۋېشانە "پەشتیوانی"ش ۋنەکەرا.

ئینە جە وەختېنە کە ساڵانە بەمەڵامەتو قازانجو ئابووری و پڕۆژەکا ئیمپریالیزمی ۋېشاوە چەکو تەقەمەنی پۍ ۋڵاتو توورکیای کیانا و پی جۊرە پەشتیوانی جە دەوڵەتا توورکیای و ئێرانی مکەرا کە بە دڕنڎانەتەرین شېۋە هجوم کەرانە سەرو ئازاڎیوازا کورڎی.

ۋڵاتەکۍ ۋەرنیشتی بە پێچەوانەو قسەکاشاوە کە تەنیا نمایشا پېسە تابڵۆیۍ ئازاڎیی ڕابەربڕیەینو بەس، گەمەش پنەکەرا و پارېزنای تەنیا پۍ شەریکە ئیمپریالیستیەکا نــاتۆیا و ئا پارېزنایە گلېرگەی و گەلی مەگېرۊۋە.

"جوابو ئێمە مدرامانا، کە مدرامان ژیای و ژیۋاین"

ئێمە پېسە گلېرگەو ژەنا ئازاڎیی ۋەرکەوتوو کورڎسانی (کەژار) - ئۊرووپای، خوڵقەو گرڎوو فێمێنیستەکا، چالاکا ژیۋگە‌پارێزی و شۆرشگیڵا کەرمۍ دەنگ هۊربڕا و ۋەران ۋەرو ئا تنوتیژیانە بێدەنگۍ نەبا و چالاکۍ با و پۍ پەشتیوانی و پارېزناو جمیەرو ئازاڎیوازو کورڎا فشار وزانە سەرو ئی دەوڵەتا، کە ئی جمیەرە ئازاڎیوازە سەرو بنەماو ئازاڎیی پۍ ژەنۍ، چارەسەری دێمۆکراتی و سیاسی پۍ ئێرانی و تەمامو ۋەرکەوتوو میامینی، خەبات کەرۊ.

سەرو ئی ئەساسیە، ئێمە ڕا مەڎەیمۍ کە کوشتەو ژەنا و بۊمبۋارانو جمیەرو رزگاریوازی پېسە هەڵسوکۊتېۋە ئاسایی نیشانە بڎریۊ و جوابو ئێمە پۍ ئینیشا گرڎی "مدرامان ژیای و ژیۋای"ن چون ئێمە گرڎ پېۋەرە ۋەران ۋەر بە ئەرەگیری و هجومو رژێمە فاشیستەکا مرڎېنمۍ

هـ . ش