تەڤ-چاندو ئۆرووپای دژو هرووژمە ئەرەگیریەکا ئەرەیاۋنێوە نویسیاش وەڵاکەرڎۆ و ماچۆ: "دەوڵەتو تورکی ئەرەگیری و هامکارە-خاینەکێش جارێوەتەر گەرەکشانە دژوو ئەرەکۊشای ئازاڎیی کورڎەسانی پیلانگێڵنی ئەنجام بڎا."

هەر جە ئەرەیاۋناکەینە باس چانەیە کریان ئی سیاسەتە ئەرەگیریەو دەوڵەتو تورکی پەی چەسپنای پانیشتوو کورڎەسانیا و پی جۆرە بەردەوام بی: "ئی هەوڵو چەسپنایە کە بەشێوێوە ئاشکرا جە لایەنو پەدەکەی و دەوڵەتو عێراقیوە پاڵپەشتی مکریۆ و هەزاران چەتۍ داعشیش ئینۍ چنە. نمەبۆ بە چېوێوە ئاسایی بوینیۆ. جارێوەتەر گەرەکشانە ئەرەکۊشای ئازاڎیی بە پیلانگێڵنیی دلېنەبەرۆ و قڕکەردەی گەلوو کوردی و نەتەوەو کوردی بیونا ئەنجام."

پېوەرە ئەرەکۆشمۍ

جە بەردەوامی ئەرەیاۋناکەینە ئامان: "بەشێوێوە ڕۊشن و ئاشکرا ماچمۍ: ۋەرپەرسا پەدەکەی و بنەیانەو مەسعود بارزانی سیاسەتوو دووژمنایەتی گەلوو کوردی ڕاوەبەرمکەرا و مەسڵەحەتە گولانەکێشا و دەسەڵاتداریشا لکەدریان بە دەوڵەتو ئەرەگیرو تورکیوە. پۊکاتی پېسە خەباتکاراو چاند و هونەری کوردی، بەهیچ جۊرۍ ئی ئاژەیە قبوڵ نمەکەرمۍ، بە گرڎوو هێزیماوە دژش مردمېوە. گرنگ نیا چێش ڕووە مڎۆ، پېوەرە چنی گەلەکەیما ئەرەکۊشمۍ و جە هێڵۆو وەڵێوە کۊشیاینە بیمۍ."

جە دمادمایی ئەرەیاۋناکەینە داوا جە هونەرمەنڎا مکەرۆ و ئامان: " پېسە کۊششکارا چاند و هونەری کوردی داوا جە گەلەکەیما مکەرمۍ، دۆساما، گرڎوو ئەرەمەرزیا چاندییەکا و هونەرمەنڎا جە گرڎوو جیهانی مکەرمۍ دژوو ئی هرووژمە ئەرەگیریا دەوڵەتو تورکی ئەرەگیری مردمېوە. کات کاتوو مڎرامانیا، ڕۊو ئانەینە گرڎ کەسێ ئەرەپڕۆ."