تەڤ-چاند ئەورووپا بۊنەو کۊچی دماینوو دەنگواچ فەیزۊی ڕزۊیۊ سەرەوەشییش ئاڕاستەو بنەیانەکەیش و گەلوو کوردستانی کەرد و واتش: "بە کۊچی دماینوو ئا هونەرمەندەیە تەڤگەرەکەما و هەم کولتووری ڕەسەنوو گۊرانیواتەی ئەندامێوە پاک و چەنەویەرڎەما جەدەس دا".
تەڤگەروو کولتووری ئەورووپانە (تەڤ-چاند ئەورووپا) بۊنەو کۊچی دماینوو یی فەیزۊی ڕزۊیۊ پەیامێوەش وەڵا کەردۊ.
ئەوەڵوو پەیامەکەینە ئامان، "بە دڵێوە خەمناکۊ هەواڵوو کۊچوو گۊرانیواچی نیشتمانپەروەر فەیزۊی ڕزۊیما شەوەو یەرەشەممەینە یاوا پەنە، کە کەرۊ ٧\١١\٢٠٢٣.
پەیاموو تەڤ-چاند ئەورووپای پێسە بەرڎەوام بێ:
فەیزۊی ڕزۊ کە بنەیانێوە هونەرمەند و کولتووردۊسنە پەیدا بییەبۍ، پەی گەشەکەرڎەی و نەمەرڎەی مۊسیقاو فۊلکلۊری پردێوە بۍ بەینوو نەوەی کۊنی و تازەینە، چەنی ماموەکاش مەجید فارس و شێرۊیۍ برۊ و چەنی کوڕە هونەرمەندەکەیش تیتال فەیزۊ گۊرانیێش واتێنۍ. چەنی ئازادبییەیش تەڤگەروو ئازادی قەفەسنە، فەیزۊی ڕزۊ بە بە چالاکتەر هەرمانە کەرۊ سنوور و قەفەزەکا ماڕۊ. زەماوندە نیشتمانییەکانە یاگۍ وێش گێرۊ، بە دڵێوە وەش و ورێوە بەرزۊ سەرڎای وڵاتوو وێش کەرۊ و چەنی فەقۍ ئەگید جمۊی بەشداری فستیڤاڵوو نەورۊزینە کەرۊ. ئەندامێوە سروشتوو تەڤگەروو چاندی و هۊنەریما بۍ و تا دما ڕۊو ژیوایش دڵسۊزوو کۊشیای ئازادیی بۍ.
بە کۊچی دماینوو ئا هونەرمەندەیە، تەڤگەرەکەما و کولتووری ڕەسەنوو گۊرانیواتەی ئەندامێوە پاک و چەنەویەرڎەما جەدەس دا.
بە کەسایەتییە میهرەبان و چنەویەرڎەکەیش، بە هونەرە ڕەسەنەکەیش، بی بە بەهاێوە گرنگوو ئێمە.
سەرەو بنەیانەیش، وەشەسیایاش و گەلوو کوردستانی سڵامەت بۊ.
