تەژەکە-ئە ئەرەیاۋناش: "بۊنەو ٢٥و تیشرینوو دووەمی، ڕۊو ۋەرەنگاربیەیۊ تنووتیژی دژ بە ژەنا، جە گرڎ شۊنېنە چالاکیی ئەنجام مڎەیمۍ. ئێمە داوا جە گرڎ لېوە کەرمۍ کە بە بەقوەتتەرین شێوە بەشڎارۍ چالاکییەکا با".
تەڤگەروو ژەنا کوردی جە ئەوروپا (تەژەکە-ئە) بۆنەو ٢٥و تیشرینوو دووەمی ڕۊو ۋەرەنگاربیەیۊ تنوتیژی دژ بە ژەنا ئەرەیاۋنېوە نویسیاش ۋەڵاکەرڎۊ.
تەژەکە-ئە ئەرەیاۋناش: "پېسە تەڤگەروو ژەنا کوردی جە ئەوروپا (تەژەکە-ئە)، جە چوارچێوەو 'ژەنی، ژیای، ئازاڎیی'نە بەرەو ئاخېزوو ژەنا ملمۍ'، بە باوەڕ، ئیراڎە و مدرامان پێشوازی جە ٢٥و تشرینوو دووەمی کەرمۍ. بۆنەو ٢٥و تیشرینوو دووەمی ڕۊو ۋەرەنگاربیەیۊ تنوتیژی دژ بە ژەنا، واڵەکۍ میرابێلی کە هەڵوێسی مدرامانانەو ۋېشا سەروو ژیۋایۍ ئازاڎیی جە دژوو ڕژێمی فاشیستی تروژیلۆی بەربڕی، هەمڎیسان سارا، هەڤرین خەلەفان، ئەوینە و گرڎوو ئا ژەنا کە سەروو ئی ڕېوە مدرامانشا کەرڎ، ڕەنجشا کېشا، بە ڕێز و وەشەسیایۊ ۋیرشا مارمېوە. باوەری و وەشەویسی ئاڎیشا پۍ ژیۋایۍ ئازاڎی بیەن بە هێزوو سەرهۊردای گرڎوو ژەنا جەهانی.
ئێمە جە گرڎ شۊنۍ جەهانینە دژ بە گرڎ جۆرە تنووتیژیۍ کۊشیەیمۍ. تا ئا وەختەی کە ئەنجام بەدەس نارمۍ، بەردەوامۍ بیمۍ جە کۊشیایما. سەڎەو وسوو یەکی بۊنە بە سەڎەو سەرکۊتەی ژەنا، ئی ڕاسییە ڕووانە زیاتەر و زیاتەر ۋېش نیشانە مڎۊ. تەڤگەروو ژەنا بیەن بە تەڤگەرێوە جەهانی و فاڕیان پۍ هێزێوە کۆمەڵایەتی. ئێمە پېسە تەڤگەروو ژەناو کوردی جە ئەوروپا (تەژەکە-ئە) بۆنەو ٢٥و تیشرینوو دووەمی ڕۊو ۋەرەنگاربیەیۊ تنووتیژی دژ بە ژەنا جە گرڎ شۊنېنە چالاکیی ئەنجام مڎەیمۍ. ئێمە ۋەران ۋەروو تنووتیژییەکا پیای و دەوڵەتینە ژیۋای پارېزنمۍ.
پی بۆنۊ داوا جە گرڎوو ژەنا کەرمۍ بە بەقوەتەرین شێوە بەشڎاری جە چالاکییەکا ٢٥و تیشرینوو دووەمی کەرا.
