تەڤگەرو ژەنا کوردی جە ئەوروپانە (تەژەکە_ئە) بەبۆنۆو ٧٦ هەمین ڕۆوبییەو ڕابەر ئاپۆی ئەرەیاونێوەشا وەڵاکەردۆ.

تەژەکە_ئە، ٤ و نیسانی جە گەلوو کوردی و مرۆڤایەتی پیرۆز مکەرمێنە و ماچۆنە: "ڕۆوبییەو ڕابەر ئاپۆی، ڕۆووبییەو گەلوو کوردین. جەئەڏابییەو کۆنفیدراڵیزمو دیموکراتیکیا کە ئەڵتەرناتیڤو مۆدێرنیتو سەرمایەدارینە. دەسپنەکەردەو ئەوەکۆشاو ژەنان کە قەسەمشا واردەن سەرمەشقایەتی فاڕیاو کۆمەڵایەتی بکەرا. پۆکەی چی قۆناغە تاریخییەنە دیسانۆ ژەنێ دڵسۆزێ وێشا پەی ڕابەر ئاپۆی دەستنیشان مکەرا، بەڵێن واوەی مکەراوە پەی ئازادیی جەسەیی ڕابەر ئابۆی، کۆشش مکەرا".

تەژەکە_ئە ئاماژە پانەیە مکەرۆ پشتگیریێ گۆرە جەلایەنو گەلوو کوردی و هێزە مییاننەتەوەییەکاوە هەن پەی بانگەوازو ئاشتی و گلێرگەو دیموکراتیکو ڕابەر ئاپۆی ،

هەرپاسە تەژەکە_ئە ماچۆنە: "ڕابەر ئاپۆ تەمامو ژیوایش پەی ستاتۆو یاسایی و دیموکراتیک و مافەکا گەلوو کوردی ئەوەکۆشان. چی ئەوەکۆشانە ئەرەیاوناش کە ئازادیی ژەنا، کڕێڵو سەرەکی ئازادی گلێرگەین و دەورێ سەرەکیش چی ڕێنە بە ژەنا بەخشا. ژەنی کە ئارۆ دلێ شۆڕشینە شۆڕشا ئەنجامدا، بە واتەو "ئازادی ڕابەرایەتی، ئازادی ئێمەن"، پەی ئازادیی جەسەیی ڕابەر ئاپۆی ئەوەکۆشمینە. تاوەکو ئی ئەوەکۆشایە سەرگنۆنە، سەرو بناغەو هەڵمەتەو "ئازادی پەی ڕابەر ئاپۆی، چارەسەری سیاسی پەی پرسو کوردی" ئەوەکۆشایما گۆرە مکەرمێنە.

پی بۆنۆ بە سەرمەشقایەتی تەڤگەرو ژەنە کوردا جە ئەوروپا (تەژەکە_ئە) جە ٤ و ٥ ونیسانینە جە چن شارێ ئەوروپاینە چالاکی ئەنجام دریۆنە، بانگەواز جە ژەنا و تەمامو گەلەکەیما مکەرمێنە، بە جۆش و پاگیری ٨ و ئاداری و نەورۆزی، بەشداری ئی چالاکییا بکەرا".