'ۋێپارێزنای ژەنا نەجاتدەرو گلېرگەیا'
فاتمە بۆستانە ئاماژەش پانەیە کەرد کە جە سەڎەو ٢١ینە ۋێپارێزنای ژەنۍ، نەجاتدەرو خودو ژەنۍ و گلېرگەیچا جە گرڎ جۊرە هرووژمېوە.
سیاسەتمەدارە و چەمڎارەو مافەکا مرۆڤی فاتمە بۆستانە باسش چانەیەکەرد ئەرەکۊشای ژەنۍ پەی یەکسانی و ئازاڎیی عیلاقێوە نزیک و تەمامکەرش بە گېڵای گرڎیی مرۆڤایەتییوە هەن.
حەرپاسە بۆستانیە باسش چانەیەکەرد کە جمیەرەکۍ مافو ژەنا جە تەماموو تاریخینە پەی پێکئاوردەی دادپەرەوەری گلېرگەی دەورێوە گرنگش گېڵنان و واتش: "گەر سەرنجێوە کوڵ بوزمۍ سەرو ئەرەکۊشای ژەنا پەی ئازاڎیی و یەکسانی، موینمۍ ئی ئەرەکۊشایە چڼە لکە دریان بە ئەرەکۊشای مرۆڤایەتییوە پەی ئازاڎیی و یەکسانی. ئەرەکۊشای ژەنا ڕاگیریێوە فرە گۊرەن ۋەردەموو دەسەڵاتدارینە."
جە دمادماینە بۆستانە ئانەشە دەسنیشانکەرد کە جە جیهانەنە سیستەمێوە نیە کە قەولو ئازاڎیی مرۆڤایەتیش دابۆ و واتش: " جە سەڎەو ٢١ینە ۋێپارێزنای ژەنۍ، نەجاتدەرو خودو ژەنۍ و گلېرگەیچا جە گرڎ جۊرە هرووژمېوە."
