ڕاوەبەرو دەزگاو بنەیانەو گەشمەرڎا هەرێموو جزیرەی حسێن عوبەید کە شایەتوو سات بە ساتو شۆڕشی بیەن، ئاماژەش بە هرووژمە ئەرەگیریەکا کەرد و واتش: "ئی گەلە بەرەو دما هەنگامە نمەنیۆ."
ڕاوەبەرو دەزگاو بنەیانەو گەشمەرڎا هەرێموو جزیرەی حسێن عوبەید کە شایەتوو سات بە ساتو شۆڕشی بیەن، ئانەش دەسنیشانکەرد کە شۆڕش بە ۋنەو جەنگەوانا جوانیوە یاوان بە ئارۊی.
عوبەید جە سەرەتاو قسەکاشەنە باسش جە سەردەموو وەڵۍ شۆڕشو ١٩و تەمووزی کەرد و پېسشە وات: "ماوەی ٤٧ ساڵا ڕژێموو بەعسی کاریگەریێوە فرە و گۊرەش سەرو گەلی بۍ. گەلوو ۋەرنیشتی خاوەنو نەریتێوە مڎرامانی بۍ. زەمینێوە هێقم کە گەشمەرڎا وەششا کەردەبۍ بیەیش بۍ. گەلوو ۋەرنیشتی جە سەیەو میراتوو مڎرامانوو گەشمەرڎاوە ۋێش ئەرەمەرزنا، ئەرەکۊشای ۋێش قەوەت کەرد و بە زیڼەیی ئاستەبیشۆ، هەر پۊکەی بەدەسپنەکەردەی چنی سەرهۊردایەکا جە ۋەرکۊتوو دلېڕاسەینە، گەلوو کوردی بە سەرمەشقایەتی شۆڕشی هۊرئێستۍ و بە قەوەتیۆ بەڕێکوستەی بیۍ. شۆڕشو ١٩و تەمووزی پی باوەڕ و قەرارداریۆ پێکئاما. ساڵەو ٢٠١٢ی بە شۆرشو کۆبانێ-ەوە دەسشپنەکەرد و بریسکەو شۆڕشەکەی بە ۋنەو هەڤاڵا گەشمەرڎەی پېسە چەکڎاری، سلاڤ، بێریڤان، خەبات دێرکی و باوەڕ ڕۆژهەڵاتی پێکئاما. سەرو ئی بنەمایە گەلەکەما بەشدارۍ شۆڕشی بیۍ. هەتا دما خاڵیچ مڎرامان و ئەرەکۊشایشا بەردەوام بی."
'جوانۍ بیۍ بە جواب دەرەوەو قڕکارییەکا سەرو ۋەرنیشتی'
عوبەید ئانەش یاڎ ئاوردۆ کە جە قۆناغەکاو پێکئاوردەی شۆڕشو ۋەرنیشتینە بە هەزارن جوانۍ گەشمەرڎۍ بیۍ و قوربانیۍ فرۍ دریۍ و پی جۊرە بەردەوام بۍ: "جوانۍ چێوۍ چامنە سەرو جەنگی نە زانێنۍ کە جە ۋەرا ۋەروو دوژمنینە جەنگ کەرێنۍ، بەڵام بە باوەڕداریێوە قەوەتۆ و دژوو دووژمنی مردێوە. یۆ چا جوانا گەشمەرڎە باوەڕ ڕۆژهەڵات بۍ. دەس و قاچێوەش پڕابۍ، وەڵۍ دەسپنەکەردەو شۆڕشینە ئامابۍ پەی ۋەرنیشتی پەی هۊرگېرتەی چارەسەری، بە دەستپێکردنی شۆڕش بووە بە وەڵامدەرەوەیەکی بەهێزی هێرشە قڕکارییەکانی سەر گەلی ڕۆژئاوا. بە دەسپنەکەردەی شۆڕشی و یاوای بە دێرکی، هەزاران کەسۍ بە دروشمەو "ئاماڎێنمۍ پەی ئازاڎیی. پەی ئانەیچ ئاماڎێنمۍ پەی گرڎ ئەرکێوە" مجیێرە مېڎانەکا. هەڤاڵ باوەڕ کەم ئەندابۍ، چنی دەسپنەکەردەی شۆڕشی سەرەڕاو ئانەی گرڎ واچێنۍ نمەبۆ و نمەتاوی بەشداری بکەری، بەڵام هەڤاڵ بە واتەی ئانەی کە؛ 'ڕاسا کەم ئەندامەنا بەڵام من متاوو هەنگام بنیە و بەشداربوو، من قەرزارو گەلوو ۋەرنیشتینا و بە ۋنەو ۋێم ئا قەرزیە مڎەوە. جە کەشەکا کورڎەسانینە بە هەزاران جوانۍ ۋەرنیشتی چنیم گەشمەرڎۍ بیۍ. هیچ وەختۍ هەڤاڵیەتی ئاڎیشا جە یاڎ نمەکەروو. پۊکەی پەنەوازا بوو بە بەشێوە جە شۆڕشو ۋەرنیشتی و پارێزنای جە بنەیاناو هەڤاڵا گەشمەرڎەیم بکەرو.'
پۊکەی پی قەرارداریەو هەڤاڵ باوەڕیو وەڵێکۊتەی دلېمانە زیاتەربی، دماو گەشمەرڎەبیەیش بە هەزاران کەسۍ بەشداریشا جە مەراسیمو ئەسپەردەکەردەیشەنە کەرد. بە سەڎان جوانۍ قەولشا دا بە هەڤاڵ باوەڕی و بەشدارۍ دلۍ شۆڕشەکەی بیۍ. دماو گەشمەرڎەبیەو گەشمەرڎە باوەڕی ئەنجومەنی سەروازی ئەرەمەرزیا."
هەر جە درێژەو قسەکاشەنە عوبەید ئاماژەش پانەی کەر کە شۆڕش کاریگەریێوە گەورەش سەرو جیهانی وەشکەرد و واتش: " شۆڕش نەک تەنیا سەرو گەلوو ۋەرنیشتی بەڵکم جە تەماموو دنیێنە کاریگەریێوە گەورەش وەشکەرد. بە سەڎان جوانۍ ئەنتەر ناسیۆنالیستی بەشدارۍ دلۍ ئی شۆڕشەیە بێنۍ. ئی دەسکەوتۍ بە باوەڕداری دیموکراسی و ئازاڎییوە بەدەسئامۍ."
مڎرامان بەردەواما
عوبەید حسێن ئانەش دەسنیشان کەرد جە قۆناغەو ئیساتێنە دووژمن جە گرڎ لېوە تەوقەو هەرێمەکەیش دێنە و پی جۆرە دمایش بە قسەکاش ئاورد: "دووژمن بە گرڎوو ڕێبازەکا جەنگی تایبەتیوە دژوو شۆڕشی مردانۆ. بەڵام دیسان سەرکەوتەی هەر پەی گەلەکەیمانە. گرڎ کەسۍ ئینەش دیەن دلۍ ئی چن ساڵەو شۆڕشینە. دەوڵەتو تورکی بە بەردەوامی هرووژم و سەرو گەلی مکەرۆ و گەلیچ جە مڎرامانی بەردەواما. بە ۋنەو گەشمەرڎاوە، دووژمن دەسەو دامێن مەنەنۆ ۋەرا ۋەر بە شۆڕشی. گەلەکەما ئا نەخشەڕاو ڕابەر ئاپۆی پەی ژیۋای ئازاڎی و دیموکراسی متەنشەرە، کەردەنش بە بنەماو ئەرەکۊشای ۋێش و جە ۋەرا ۋەرو هرووژمەکا دووژمنینە گەلەکەما بەرەو سەرکەوتەی زیاتەری هەنگامە منیۆ."
