واتەواچەو کۆمسیۆنوو باڵاو سەربەخۆو هۊرچنیەکاو عێراقی جوومانە غەلاییە ئاماژەش پانەی دا دماو قەراروو دادگاو فیدراڵی عێراقی، کۆمیسیۆن ئاماڎەکارییەکێش پەی هۊرچنیەو پەرلەمانوو هەرێموو کوردسانی بە شێوێوە وەختی ڕاگرتێنۍ.

جوومانە غەلاییە ئەرەیاۋناش، تا ئا وەختەی گلەی و گازندەکۍ پەوەس بە هۊرچنیەکاوە بە ئەنجامێوە میاوا، هەرمانوو کاروو ئاماڎەکارییەکۍ پەی هۊرچنیەی مردانە.

بارزانی داواش کەردەبۍ

سەرۆک وەزیرانوو حکومەتی ماوە بەسەرشیەو هەرێموو کوردسانی مەسرور بارزانی ٦و ئایاری شەکواش جە دادگاو فیدراڵینە تۆمارەکەردە و داواش کەردە؛ ئاماڎەکارییەکۍ کۆمیسیۆنی پەی هۊرچنیەو خولوو ششەم و پەرلەمانوو کوردسانی مردانە.

سەروو داواو تەعن و مەسرور بارزانی هێزی دادگای فیدراڵی قەرارش دا بڕگەو دووەمین و خاڵەو دووەمین و سیستموو پەسەنڎکەردەی و تۆمارکەردەیی لیستوو کاندیدەکا مردۊنە.