ئەلین محەمەد عوسمان تەمەن ١٤ ساڵە، بە هونەری دەسی بەشداری فیستیڤاڵو هونەری و ئەدەبی ژەنێ بیێنە. کولانە تەرینە و بەشدار بییەی فیستیڤاڵەکەی ئەلین عوسمانەنە و ئینە یوم جارا بەشداری فیستیڤاڵی بیێنە. ئەلین عوسمانە دەربارەو وەشەویسیش پەی هونەرو دەسی  سەبارەت بە بەشداربییریش جە فیستیڤاڵە هونەری و ئەدەبی ژەنێنە پەی ئاژانسەکەیما قسێش کەردە.

جە ١٢ ساڵینە دەسم بە هەرمانەو هونەرییە کەردە

ئەلین عوسمانە جە سەرەتاو قسەکاشەنە ئاماژەش پانەیەدا وەشەویسی فرەش پەی هونەری دەسی هەن و گرڏ کاتێ گەرەکشا ئی هونەرەیە پەرە پنە دۆنە و واتش: "کاتێ تەمەنم ١٠ ساڵ بێ فرە خەزم چی هونەرەیە بێ. کاتێ یاوانی ١٢ ساڵی  ئیتر قەرارم دا جە هەرمانەی دەسینە وێم وەڵێ وسونە."

هەم وانۆنە و هەم هونەرەکەیش بەرەو وەڵێ بەرۆ

ئەلین عوسمانە جە بەردەوامی قسەکاشەنە واتش: "جە بنەیانەکەیمانە هیچ کەسێ هەرمانری دەسیە مەکەرۆ. کاتێ لوێنا مەکتەب و گێڵێناوە هەم پەی وانای و هەم پەی هونەرەکەیم کات تەرخان کەرێنا. بنەیانەکەم فرە پەشگیرییم کەرێنی پەی لوای وەڵێ چە هونەرەکەمەنە و گرڏ کاتی ئەڏام واچۆ، وێت چی هونەرەنە وەڵێ وزە. وەرو ئانەی هەم کلتووری وێت مشناسی، هەم هەرمانێ پێشکەش بە گلێرگری مکەری."

ئەلین ئاماژەش پانەیەدا جە سەرەتانە سەختی فرەم وینا چی هەرمانێنە چونکە چی هەرمانێ عال نەزانێنا، بەمەڵامەتو ئانەی ڕوانە  ئی هەرمانێ مکەرو سەختییەکا ویەرنو و واتش: "حەر هەرمانێ ئەر ئینسان خەڵەتش چنە نەکەرۆ ئانە مەتاوۆنە شارەزابۆنە چنەش. فرەو چێوی وەش مکەرو پەی نمونەی؛ بازن، گۆشەواری، ملوانەکێ ئا چێوێ کە دیواری ڕازناوە و..."

جاری یوەما بەشداری فیستیڤاڵی بونە

ئەلین عوسمانە ئینە یوەم جارما بەشداری فیستیڤاڵی بونە پی جۆرە هەسو وێش بەربڕی: "ئا کاتەی خەڵك ئێ لام پنەم واچێ هەرمانەکێت فرە زەریفەنە، ئی قسێ پەی من سەرفرازی بێ. کاتێ بەشداری فیستیڤاڵەکەی بێنا، پەی ئانەی نەبێ چێوەکام ورەشو. زیاتەر پەی ئانەی بێ زانیاریسەرو گەلەکەیما سەرو هونەرەکەی زانونە، هونەری جیاواز وینونە و فێرە بونە."

ئەلین عوسمانە جە دماین و قسەکاشەنە واتش: "هیواڏارەنا گرڏ کەسێ وێش وەڵێ وسۆنە و کلتوورو وێش بشناسۆ. پەنەوازا پێوەرە هەرمانە پێشکەش بە گلێرگەی کەرمێنە."