ئەنڎاموو پارتوو یۊبیەی دیموکراتیکی (پەیەدە)ی جە حەڵەب نوری شێخۆ کە یۊ چانیشانە جە نزیکۊ ڕابەر ئۆجالانش دیەن، سەبارەڎ بە کۊشیای ڕابەروو گەلوو کوردی و کاریگەرییەکاش سەروو گەلی قسېش پۍ ئاژانسو هەواڵو فورات (ANF)ی کەرڎۍ.

نوری شێخۆ باسش چانەیە کەرد ، ڕابەرو گەلو کوردی عەبدوڵا ئۆجالان کفنو مەرڎەیش جە وەرو کوردینە دڕیەنەرەو واتش "سەرجەنو ژیوایش بە ئێمە داوە. جەبەین بەردەی فەرهەنگ و زۋانی، جە بەین بەردەی ڕېخە و ریشەی کە سەرو کوردی سەپیابی. گەرەکشا بۍ کفن وەرو کوردیرە کەراو و دلیشەنە بەرا. وەلێ بە بەرکەوتەی رابەر ئاپۆی یاو مەردەی کۆر بیۆ، کفنو مەردەی دڕیا و ژیوایۍ تازە خوڵقیا"

نوری شێخۆ ئانەیچش وست ڕووە، کە سیستموو ئیمپریالیستی جە ۋەران ۋەروو ئەندێشەکا ڕابەروو گەلوو کوردی عەبدوڵا ئۆجالانینە تووش و شکسی بیەن و واتش، "چانەینە ڕابەر ئاپۆ بە جەستەیی زینڎانی کریابۊ، بەڵام جە روو ئەندێشە و هزریوە ڕووانە دلېمانە مژیوۊ. گەلەکەما دەوروو ڕابەرایەتیرە بیەن بە بازنېوە جە ئاێری. بە قۆناغێوە هەستیارەرە ۋیەرمۍ. هزروو ڕابەر ئاپۆی، ئەندێشەکېش دلۍ ئێمەنە مژیوا. ئێمەیچ بە فکروو رابەر ئاپۆی ۋېما میاونمۍ بە سەرکۊتەی رەهای و یەکجارەکی. ڕابەر ئاپۆ بەمەبەسوو وەشکەرڎەی کەسایەتی ئازاڎیی مدرامانۍ بێهامتاش کەرڎ. گەرەکشابۍ کە رابەر ئاپۆی و گەلی جە یۊی بڕارە. بەڵام گەل و رابەر ئاپۆ جە روو هەست و دەرونیوە ئامێتە و پەیوەسۍ یۊترینېنۍ. جە ڕاو هەستەکاماوە رابەریما هەست پنەکەرمۍ و سەروو بنەماو ئا هەستەیما جمېوە. وەعد مڎەیمۍ کە بە هزر و فەلسەفەو ڕابەر ئاپۆی ئازاڎیی جەستەیی ئاڎیی دەسەبەر کەرمۍ و دلۍ سەرکۊتەیۍ رەهاینە بژیومۍ".