جاکارتاو پایتەختوو ئەندەنوزیاینە ٢٢ێ حوزەیرانینە چالاکیێوی بە هامکاریی KMP2 (گەنجاو پاپوانسی وەڵێکەوتەیوازی) و ڕێکوزیاو دژە سەرمایەداری ABC+Kontrol چالاکی کریا و سەبارەت بە ژەنولۆژی دیمەنێ نمایش کریا.

دماو نمایشکەردەی فیلمەکا باس جە ئازادیی ژەنێ، دەور و کۆشیای ژەنا کولتووری پاپوانسینە کریا.  

 هەرپاسە ئەنداماو کەناڵوو ABC+Kontrol Bone واتشا، ئایدۆلۆژیی عەبدوڵا ئۆجالانی ویرۆکێ فرێ موزۆنە  ڕووە کە دۆگماتیکێ نییەنێ و متاویۆ گرد یاگێونە بیاویا یاگێ. هەرپاسە بۆن واتش: "ژەنولۆژی بناغێوی ڕۆشنتەر و وەرەچەمتەر جە فێمینیزمی وەرنیشتی پێشکەش مکەرۆ، چونکوم ئیستاتیک نییەن."

کێنیا

یۆبییەی سۆسیالیستی شۆڕشگێڵنیی کێنیای، جە ٢٢ێ حوزەیرانینە چوارچوەو هەڵمەتەی جیهانییەو 'واتەواچی چەنی عەبدوڵا ئۆجالان'ینە باسشا جە لە ئازادیی ژەنا کەرد. فرەو گەنجا و کناچا بەشدارییشا چالاکییەکەنە کەرد، سەروو ویرۆکەکاو عەبدوڵا ئۆجالانی کە پەیوەندییشا بە ئازادیی ژەنا و ژەنولۆژییوە هەن قسەوباس کریا.