یەپەگە شۆڕشوو ١٩و تەمووزیش مەبارەک کەرد و ئەرەیاوناش: "شۆڕشەکەما سەلەمناش، کە وەراوەروو گردوو هجوومە دلێی و بەرییەکانە، ئیرادەو گەلی بە مدرامان سەرمگنۆ. شۆڕشەکەما ئارۆ کاریگەرییش سەروو ڕووبەرێوی فراوانیوە هەن."
فەرماندەیی گردینوو یەکینەکاو پارێزنای گەلی بە بۆنەو ١٢ەمین ساڵوەگێڵوو شۆڕشوو ١٩و تەمووزیوە بەیاننامێوی نویسیاش وەڵا کەردۆ.
بەیاننامەکەو یەپەگەینە ئامان:
"بە نامێ فەرماندەیی گردینوو یەپەگەیوە، بە دڵوەشی و شانازییوە یادوو ١٢ەمین ساڵوەگێڵوو شۆڕشوو وەرنیشتی وەنەو گەلەکەیما، کەسوکاروو گەشمەرداما و گردوو جیهانی مەبارەک مکەرمێ. ڕۆو ١٩و تەموووزی تەنیا نیشانێ سەربەوێی و مدرامانوو گەلەکەیما نییەن، بەڵکوم سەرەتاە قۆناغێەی تازەیا جە تارێخوو کوردستانینە و گردوو وەرکەوتوو دلێڕاسەینە.
بە ڕێزدارییوە گردوو گەشمەرداو شۆڕشی، کە جە پارێزنای ئی شۆڕشەینە گیانشا بەخت کەرد یاد مکەرمێوە، کە مدرامانشا دژوو داعشی و دەوڵەتی داگیرکەروو تورکی و هێزە نەیارەکای تەری، نەک هەر بی بایسوو ڕزگاریی گەلاو سووریای و وەرنیشتوو کوردستانی، بەڵکوم کاریگەریێوی فرەش سەروو ئاسایشوو جیهانیچۆ هەن وەش کەرد، قارەمانی ئادیش بی بایسوو شکسوو هێزە تاریکپەرەسەکا، کە هەڕەشێشا ئینسانیەتی کەرد.
شۆڕشوو وەرنیشتی کە ١٩و تەموووزو ٢٠١٢یوە دەسش پەنە کەرد، سەلەمناش، کە هیچ هێزێوی چەکدار و کۆنەپەرس نمەتاوۆ وەراوەروو ئیرادەو گەلێوی مدرامانکەرینە بمدرۆ. ئی شۆڕشە بی بە هومێدوو ئازادیی، نەک تەنیا پەی گەلوو کوردی، بەڵکوم پەی گردوو گەلاو وەرکەوتوو دلێڕاسەی. شۆڕشەکەما ئارۆ بنیاتنیای گلێرگێوی یەکسانی و دیمۆکراتیکی سوریانە، بە پارادایمی سیاسی وەرکەوتوو دلێڕاسەینە و پەرەپەنەدای مۆدێلی تازەو دیموکراتیکی جیهانەنە ڕووبەرێوی فراوانش هەن. ئی جمیەرە بی بایسوو وەشبییەی مۆدێلێوی تازەو ڕاوەبەری کە سەروو بنەماو دیموکراسیی ڕاستەوخۆی و یەکسانیی جێندەری و ئیکۆلۆژی ئەرەمەرزیان. دلێ ئاژاوەگێڵنی و تەرسەکاو مەنتێقەکەینە، وەرنیشت بی بە نموونێوی زیندە پەی پێوەژیوای ئاشتیانەو گەلا و کولتوورە جیاوازەکا. یۆ جە دەسکەوتە هەرە گرنگەکاو ئی شۆڕشەیە وەشکەردەی گلێرگێوی فرە کولتوری و فرە زوانیین کە کورد و عەرەب، ئاشووری و سریانی، ئەرمەنی و گردوو نەتەوەکای تەری پێوە دلێشنە مژیومێ.هەمان وەختەنە گەشەسانای ژەنا گلێرگەنە و سیاسەتنە، کە یۆن جە بنەما سەرەکییەکاو شۆڕشەکەما، بییەن مایێ ئیلهامی پەی گردوو گەلاو هەرێمەکەی. ژەناو وەرنیشتی بە سەرکەوتەکەیشا مەیدانوو جەنگی و بنیاتنیایوەی گلێرگەینە، پارادایمە دێرینەکاشا تایبەت بە دەوروو ژەنا فاڕا و بیێ سەرمەشقوو فاڕیایە کۆمەڵایەتییەکا سەرانسەروو وەرکەوتوو دلێڕاسەینە.
هەرپاسە سەلەمناشا، وەرکەوتوو دلێراسەینە، یاگێوی کە فرەو جارا بە جەنگ و ملەملێوە نەتەوەکێ مشناسیا، پێوەژیوای ئاشتییانە نەک هەر مومکینەن، بەڵکوم متاوۆ بۆ بە بنەماو گلێرگێوی قەوەتی و وەڵێکەوتەی. جگە چانەیچە شۆڕشەکەما سەلەمناش کە وەراوەروو گردوو هجوومە دلێیی و بەرییەکانە، ئیرادەو گەلی پەی مدرامانی متاوۆ سەربگنۆ. ساڵەو ٢٠١٢ـیوە شکستوو چەتەکاو ێسەو نوسرە، داعش؛ شکستوو هجوومەکاو دەوڵەتی داگیرکەروو تورکی ساڵەو ٢٠١٦یوە سەلەمنەروو ئینەینە. ئیرادەو پێوە ژیوای و هێزوو پارێزنای، گردوو هجوومەکاش دژش بێکاریگەر مکەرۆ.
با ئی ڕوە بۆ بە نامونیشانوو درێژەدای بە کۆشیایما پەی ئاشتی، یەکسانی و دادپەروەری هەرێمەکەمانە و جە سەرانسەروو جیهانینە. سەروو ئا بنەمێوە داوا جە گردوو هێزە ئاشتیواز و دیموکراتیکەکاو جیهانی مکەرمێ جە پەشتیوانی وێشا پەی ئی ئەزموونە بێوێنەیە بەردەوامێ با. شۆڕشوو وەرنیشتی تەنیا پەی کوردی نییەن، بەڵکوم پەی گردوو ئینسانییا کە پەی ئازادی و یەکسانی و دادپەروەری مکۆشیانە.
جارێوی تەر بەڕێزدارییوە گردوو گەشمەردە نەمرەکاما، کە جە بنیاتنیای و پارێزنای ئی شۆڕشەینە گەشمەردێ بیێ یادێشا مکەرمێوە. وەعدما ئەوەخوای مکەرمێ، کە بە ئامانجوو بەدیئاردەی وەرمەکاو گەشمەرداما بە بەردەوامیدای بە کۆشیای پەی پارێزنای گەلی و شۆڕشەکەیما، درێژە پی کۆشیایە مەبارەکەیە مدەیمێن."
