هرووژم و دەوڵەتو ئەرەگیرو تورکی بە هامکاری پەدەکەی پەی سەرو پانیشتوو کورڎەسانی جە مێردینەنە شەرمەزارکریا. جەماوەر بە سەرمەشقایەتی دەم پارتی جە باخچەو کارایۆلاری مەنتیقەو ئارتوکلوینە کوۍ بیێوە و پۆلیس تەوقەش دۍ، هامسەرۆکو دەم پارتی مێردینی، مەهدی تونچ ئەرەیاۋنێوەش ۋەناوە.

تونچ بە واتەی "ئێمە سەرنیشت، پانیشت، ۋەرنیشت و ۋەرکۊتەنمۍ. ئێمە کورڎەسانیێنمۍ" دەسش بە قسەکاش کەرد، حەرپاسە پەشگیری هێزە مېیاننەتەوەییەکاش پەی هرووژمەکا دەسەڵاتوو ئاکەپە و مەهەپەی شەرمەزار کەرد.

داواش کەردە پەدەکە دەس جە هەڵوێستە خیانەتکار و هامکارەکەیش هۊربگېرۆ، واتش: "مشۆم بزانیۆ ئا سیاسەتەو ئاکەپە و مەهەپەی جە ۋەرکۊتوو دلېڕاسەینە ڕاوەبەرش مکەرۆ، ئارۆ جە عەفرین و سەوای جە هەولێر و ئامەدەنە مبۆ، ئی سیاسەتیە قبووڵ نمەکەرمۍ".

تونچ تەئکیدش کەردۆ ڕاو ئاشتی و ئارامی و چارەسەری بە دوورگەو ئیمراڵیرە موییەرۆ و ئینا لاو ڕابەرو گەلوو کوردی عەبدوڵا ئۆجالانیۆ، واتش: "چارەسەر و نامونیشان دیارا. جە ۋەرکۊتوو دلېڕاسەینە و بەتایبەت جە کورڎەسانەنە، چارەسەری پەرسوو کوردی جە ڕاو ئێژا عەبدوڵا ئۆجالانیوە مۍ دی".