ئەرەنیشتۍ عهرهبۍ دەگایەکا شهنگالی سهرنجشا وست سەرو گۆشهگیری تنو سهرو ڕابهرو گهلوو كورڎی، عهبدوڵا ئۆجالانی و ئەرەیاۋناشا، "ئێمه داواو ئازاڎكەرڎەو ڕابهرهكەیما کەرمۍ. تا ئا وەختەی ئازاڎ کریۊ ۋهردهوامۍ بیمۍ جە ۋېراگری".
ئەرەنیشتۍ پېکئاماکا عه‌ره‌بی جە شه‌نگال سەبارەڎ بە گۆشهگیری تنو سهرو ڕابهرو گهلوو كورڎی عهبدوڵا ئۆجالانی قسېشا پۍ ئاژانسو هەۋاڵی فورات (ANF)ی کەرڎۍ.
فاتمه مسته‌فا ئەرەیاۋناش، ماۋېۋە فرەن حیچ هه‌واڵ و زانیاریېما سەبارەڎ بە ڕابه‌ره‌كه‌یما نییا، ئێمه به تنی ئێڎانه‌و ئا گۆشه‌گیرییه دژواره‌و سهرو سه‌رۆكه‌كه‌یما کەرمۍ و ماچمۍ: ئێمه دمایی به سته‌مه‌كا ده‌وڵه‌تو توركی مارمۍ.
ۋاتیچش: حەر پېسە چنی ڕابه‌ر ئاپۆ خۊتانکەرڎەیش جە ئێمه‌ی ژەنا کەرڎ، ئێمه‌یچ به گرڎوو هێز و قوەتیماوە پاڵپەشتی ڕابهرهكەیما بیمۍ"، فاتمه جە درێژه‌و قسەکاشەنە ۋاتش: داوا جە لایه‌نه په‌یوه‌نڎیداره‌كا و ڕێكوزیا میان نه‌ته‌وه‌یه‌كا کەرمۍ، كه هامكارېبا پۍ ئانەی جە زووتەرین وەختەنە خانەۋاڎە و پارێزنەرەکۍ ڕابه‌رایه‌تی سه‌رش ۋنە بڎا، حەرپاسە گەرەکمانە سه‌رۆك جە ڕووی جه‌سه‌ییۊ ئازاد بۊ و دلېمانە بژیۋۊ.
حەرپاسە "فاتمه موخلف"ە، خه‌ڵكو دەگاو بیرجاری، داواو ئازاڎیی جه‌سته‌یی ڕابهرو گهلوو كورڎی عهبدوڵا ئۆجالانیش کەرڎ و ۋاتش: "سه‌رۆكما ئێمه‌ش فێرو گرڎ چېۋۍ کەرڎ. جە كۆیلایه‌تی و پیاسالاری نەجاتش دایمۍ. هومېڎەوارېنمۍ سه‌رۆكه‌كه‌ما جە ماۋېۋە کوڵەنە ئازاڎ بۊ".
فاتمه باسو كاریگه‌ری فكر و فه‌لسه‌فه‌و ڕابه‌رئاپۊیش کەرڎ سەرو مەنتیقەکەی و ۋاتش: ئێمه جە سایه‌و سەیەو ئا فكره‌ینە ۋېما ڕاۋەبەرکەرمۍ.
لاو ۋېچشۊ ئه‌بۆ سەغر، یۊ جە سه‌رۆك عەشرەتەکا پێكئاماو عه‌ره‌بی جە شه‌نگال ئەرەیاۋناش، ده‌وڵه‌تو توركی هەرمانېۋە دژ به مرۆڤایه‌تی ئەنجام مڎۊ و ماۋېۋە فرەن ڕاش نەڎان خانەۋاڎە و پارێزنه‌رەکېش چەمشا به ڕابه‌ره‌كه‌یما گنۊ و سه‌رش ۋنە بڎا. ئێمه گومانما چا ئاژەیە هەن".
ئه‌بو سەغر، داواش جە گرڎ كه‌سێوە ئازاڎیواز و خۊتان ویژدانی کەرڎ، ۋەرەن ڕوو كرده‌وه‌كا ده‌وڵه‌تو توركی مرڎاوە و ۋاتش: ئێمه بێده‌نگی ڕێكوزیا میان نه‌ته‌وه‌یه‌كا شه‌رمه‌سار کەرمۍ. تا ئا وەختەی زانیاری جەبارەو سه‌رۆكه‌كەیماوە هۊرنەگېرمۍ ئێمه مەمڕڎمۍ و ۋهردهوامۍ بیمۍ. حەرپېسە چنی ئاڎۍ فشارما وزانە سەر و ڕا مەڎا زانیاری و هه‌واڵ جەبارەو سه‌رۆكه‌کەیماوە به‌ده‌س بارمۍ، ئێمه‌یچ فشار وزمۍ سهرو ئاڎیشا پۍ ئانەی زانیاریما چنگە گنۊ.
ئا سه‌رۆك عه‌شره‌ته سه‌رنجش وست سهرو هه‌ماهه‌نگی بەینو پارت و لایه‌نه سیاسیه‌كا دلۍ شهنگالی و ۋاتش: هەرمانۍ مبارەکەی پی جۊرە متاۋۊ بەرە ڕووەو فرەو چېۋی عالیرە کەرۊوە. به‌تایبه‌تی ڕێككۊتەی بەینو عه‌ره‌بی و ئێزدی، پېۋەرە ژیۋای خه‌ڵكی فرە گرنگا. حەرپاسە ئا هامپه‌یمانییه متاۋۊ فشار وزۊنە سەرو ده‌وڵه‌تو توركیچ، تا ئا وەختەی زانیارییما سەرو ڕابەر ئاپۊیۊ چنگە گنۊ.
ئه‌بو سەغر جە دمادمایی قسەکاشەنە ۋاتش: ئێمه پېسە گهلوو عه‌ره‌بی مەنتیقەکەنە داواو ئازادیی سه‌رۆك ئاپۆی کەرمۍ و هیواڎارېنمۍ جە زووتەرین وەختەنە ئازاڎ کریۊنە و گېڵۊوە دلېما.
هـ . ش
