ئەرەیاۋنای هه‌به‌ده‌هەی جە بارەو ئوتېل مادماكېوە: حیچ تاوانێوە بۍ جواب مەمەنۊوە!
كۆمیته‌ی ڕاوەبەری هه‌به‌ده‌هەی، بۊنەو ٣٠ه‌مین ساڵەو کۊکوشی مادماكېۋە ئەرەیاۋنېۋەش ۋەڵاکەرڎۊ و تەئکیدش کەرڎۊ، "حیچ تاوانێوە دژ بە گه‌له‌كەیما بۍ جواب مەمەنۊوە".
جمیەرو شۆڕشگێڵی یۊگرتەی گه‌لا (هه‌به‌ده‌هه)ی جە ئەرەیاۋنېۋەنە، یاڎو ئا كه‌ساشا کەرڎۊ، كه ٣٠ ساڵۍ چېۋەڵتەر جە کۊکوشی ئوتېل مادماكېنە گیانشا جەدەسدا.
جە به‌شێۋە ئەرەیاۋناکەینە ئامان، "ڕۊو ٢ۍ ته‌مووزو ساڵەو ١٩٩٣ۍ، جە ئوتېل مادماكېنە جە سێواس ٣٥ رۆشنۋیرۍ و شاعیرۍ و نۋیسه‌رۍ كه بۊنەو چالاكییه‌كا پیر سوڵتان عه‌بداڵی چابۍ نۍ، ۋەرو چەما ملۋېنۍ كه‌ساوە سۊتۍ و گەشمەرڎۍ کریۍ".
هه‌به‌ده‌هه ئاماژه‌ش پۍ ئانەی کەرڎەن، ده‌وڵه‌تی بكوژ هامشېۋەو کۊکوشیەکا چۆروم، مه‌له‌تی و مه‌ڕه‌شی جە مادماكیچنە هجومکەرەکېش پارېزنۍ و داڵدەشدۍ و خه‌ڵاتش کەرڎۍ، تەئکیدیچش کەرڎەنۊ، "ده‌وڵه‌ت ۋېش پلانەو کۊکوشیەکەیش متېبێرە، پۊکاتی چەمەڕاو مامه‌ڵه‌كەرڎەی پێچه‌وانه‌یش ۋنە نەکریۍ، حەرپاسە ئا مامه‌ڵه‌كەرڎەیە نیشانۍ کۊکوشیە تازەکا بۍ جە گازی و کۊڵانەو ١و ئایارینە.
جە بەشېۋە تەرو ئەرەیاۋناکەینە ئامان، ده‌وڵه‌تو توركی هامشېۋەو ۋەڵتەری ئیسەیچ عه‌له‌وییه‌كا و ئایینەکەیشا به نەبیە منیۊرە، داواكاری و مافه سه‌ره‌تاییه‌كا عه‌له‌وییه‌كا قبوڵ مەکەرۊ، پلانەو تاۋنایۊ كلتووری وه‌رده‌واما، ئاماژه پانەیچ کریان: "بېجگە جە عه‌له‌وییه‌كا جە دژوو گه‌لوو كورڎی، نه‌ته‌وه‌ی، پێكئاماکا و ئایینه جیاوازه‌كاو هه‌مان سیاسه‌تو نكۆڵیكەرڎەی و تاۋنایۊ كلتووری و جینوسایدی ملۊڕاۋە. حەرپۊکەی کۊشیای یۊگرتەی گه‌لا توركیا –سەرنیشتوو كورڎسانی پۍ نه‌ته‌وه و ئایینه جیاجیاكا پێۋیسا. جە دژوو نكۆڵیكەرڎەی و کۊکوشیەکا، كه ده‌وڵه‌تو فاشیستی توركی سەپنۊنەش، پەنەوازەن كرێكارۍ، گه‌لۍ چەوەسیۍ و سته‌م ۋنەکریۍ به ۋێڕکوستەی کۊشیای شۆڕشگېڵانەی یۊگېرتانە وه‌رپەرچش بڎاوە و پا جۊرە ۋنەپەرسایۊ جە کۊکوشیەکا کەرا.
جە دما دمایی ئەرەیاۋناکەینە ئامان، ئێمه به ڕێزۊ یاڎو ٣٥ كه‌ساما کەرمېۋە، كه جە سێواس لۋۍ قافڵەو نەمراوە، جارێوە تەر واوەیش کەرمېوە، حەقەو ئا کۊکوشیە و جینۆسایدەیە جە سێواس و گرڎو مەنتیقەکا تەریەنە كه جە لایه‌نو ده‌وڵه‌تو توركیوە ئه‌نجامدریېنۍ کەرمېوە. حیچ تاوانێوە دژ بە گه‌له‌كەیما بۍ جواب مەمەنۊوە، دېر یا زوو کوشەرەکۍ وەردەمو گه‌له‌كەیمانە ۋنەپەرسایۊشا چنی کریۊ.
هـ . ش
