هێزەکاو ڕەنج و ئاشتی و دیموکراسیی ئیستەنبوڵی دژوو نیایرەی قەیومی شارەوانیی جولەمێرگینە چالاکیی ئێشکگێرییشا دەس پەنە کەرد، ڕۆو ٢٨ەمینینە بەردەواما. چالاکییەکە ڕوانە مەیدانوو شیشخانەینە مەنتێقەو بیۆغلوینە بەردەواما. ئارۆ چندین کەسێ بەشدارێ بیێ و پانکارتێ و درووشمێشا دژوو قەیومی بەرزێ کەردێوە.

هامسەرۆکوو دەم پارتیی غازی عوسمان پاشا، کامیل تۆپراک واتش: "دژوو زیهنیەتوو قەیومی مدرامان مکەرمێ، نمەگێڵمێوە و مکۆشیەیمێ".

هامسەرۆکوو دەم پارتی مەنتێقەو ئەیوب، سەڵاحەدین حالی واتش قەیوم قبووڵنەکەردەی ئیرادەو گەلوو کوردین.

ئەندامەو مەجلیسوو دەبەپەی ئەنگین گولسەرە واتش گەلوو کوردی دژوو قەیومی و دەسەڵاتی سەرەیشا نمەکۆمنارە و ئیرادەیشا تەسلیم نمەکەرانە.