ناوەڼو ئەرەیاۋنای و چاپەمەنی هەپەگەی سەبارەت بە ٢ گەریلایا یەژاستاری کە ١٦و حوزەیرانی جە هەرێمەکاو پارېزنای مەدیاینە گەشمەرڎۍ بیۍ، ئەرەیاۋنێوەش وەڵا کەردۆ:
"جە هرووژمېوە دوژمنینە کە ١٦و حوزەیرانوو ٢٠٢٤ جە هەرێمەکاو پارېزنای مەدیاینە ڕووەشدا، عەوداڵا قارەمانوو گەلوو وانی و جەنگەوانا یەژا ستاری، هەڤاڵاما ڕۆناهیە و ئارینە گەشمەرڎۍ بیۍ".
هەڤاڵەکېما ڕۆناهیە و ئارینە کەشەکۍ کورڎەسانیشا پېسە تەنیا مېڎانۍ چارەسەری و ئەرەکۊشای دژوو هرووژمەکا، ئەشکەنجە و فشارەکا دەوڵەتوو تورکی پەی سەرو گەلەکەیما و ژەنا و جوانا گەلوو کوردی هۊرچنی و بە سۆز و جۆشێوە گەورۆ کەشەکېشا کەردۍ بە شۊنماو ژیۋای و مڎرامانی. هەڤاڵەکېما ڕۆناهیە و ئارینە گەرەکشا بۍ بانۍ بە پارێزنەرۍ کولتورو خوڎاوەنڎەکا ئا کەشا کە بەهەزاران ساڵېن گەلوو کوردیشا پارێزنان و دلۍ سینەو ۋێشانە پەناشا دان و وەیشا کەردەن و چا ئەرەکۊشاینە سەرۍ کۊتۍ. ئاڎۍ بە کەسایەتی ڕۊشنوو ۋێشاوە، پەی ئانەی ئا بەها ئازاڎییا بوزا بوارو ژیۋایۆ، بیۍ بە کۊششکارۍ نموونەیی پەکەکە-پاژکی. هەڵوێسی ڕۊشنشا بە ڕێبازو ژەنا ئازاڎی نیشانەدا، بەردەوام ئا ڕەنج و قوربانیەی ڕابەر ئاپۆ و گەشمەرڎە قارەمانەکېما دانشا پەی ۋێشا بە بنەماشا گېرت. هەڤاڵەکېما ڕۆناهیە و ئارینە، بە کەسایەتی و کۊششی بە قەراریشا، بیۍ بە چراوەو ئاینڎەی پەی گرڎوو ئا ژەنا دڵشا پەی ئازاڎیی مڎۊۋنە.
ئێمە پېسە هەڤاڵاو ئاڎیشا پەرسەو سەرەوەشی ۋێما ئاراسەو بنەیانەی قارەمانوو هەڤاڵاما ڕۆناهیۍ و ئارینۍ و گرڎوو گەلی وڵاتپارێزنو کورڎەسانی مکەرمۍ و قەول مڎەیمۍ، بەدڵنیاییوە مەراموو هەڤاڵاما، ئازاڎیی رابەر ئاپۆی و کورڎەسانی ئازاڎیی بەسەرکەوتەی بیاۋنمۍ.
زانیاری سەرو ئشناسنامەو هەڤاڵە گەشمەرڎەکاما ئینەن:
![](https://anfturkce.com/uploads/tr/articles/2024/07/20240722-image-20240722075027-1-jpegada002-image.jpg)
ناسنامۍ / ڕۆناهی دڵخوین
نامۍ و دمانامۍ / ڤەسیلە دوران
شۊنماو جە ئەڎابیەی / وان
نامۍ ئەڎۍ و نامۍ تاتەی / دڵبەر - بشار
شۊنماو وەختوو گەشمەرڎەبیەی / ١٦و حوزەیرانو٢٠٢٤ هەرێمەکاو پارێزنای مەدیای
*****
![](https://anfturkce.com/uploads/tr/articles/2024/07/20240722-image-20240722075027-2-jpeg12efc5-image.jpg)
ناسنامۍ / ئارین تۆڵهەڵدان
نامۍ و دمانامۍ / دیلان ئۆکلو
شۊنماو جە ئەڎابیەی / وان
نامۍ ئەڎۍ و نامۍ تاتەی / سەعادەت - حەسەن
شۊنماو وەختوو گەشمەرڎەبیەی / ١٦و حوزەیرانو٢٠٢٤ هەرێمەکاو پارێزنای مەدیای