جە ناوەڼو فیدراسیۆنو ئەنارشیستەکا ئیتاڵیاینە (FAI) جە شاروو میلانۆی بە سەرمەشقایەتی تۆڕەو پەشتیوانی کورڎەسانی (Rete Kurdistan Lombardia) و (FAI) چالاکی پەشتیوانی جە سەرنیشت و ۋەرکۊتوو سوریای کریا.

بە مەراموو پەشتیوانی جە سینەماو عامودای کە جە شارو عاموداینە وەشکەردەیش دەسش پنە کەردەن، وارڎەو نیمەڕۆی پێشکەش کریا.

دماتەر سارا لوکارۆنیە دەربارەو کتێبەکەیش بە نامۍ "ڕۆشنایی شەنگالی" (La Luce di Şengal) کە باس جە قڕکەردەی چەتەکا داعشی پەی سەرو گلېرگەی ئێزدی مکەرۆ قسێش کەردۍ.

پرۆفیسۆر فابریزۆ ئێڤا و ڕۆنامەوانە و ئەوەکۊڵیەرە ئالیسا مانزیە باسشا جە خەباتوو سیستەموو کۆنفیدراڵیزمی دیموکراتیکی کەرد کە جە سەرنیشتوو ۋەرکۊتوو سوریاینە ئەرەمەرزیان و هۊرسەنگنایش پەی دمایین پێشئامایەکا کەرد. گەل پێشوازیێوە گەرمش جە چالاکییەکەی کەرد و تا دێرۍ بەردەوام بۍ.

دماتەر میوزیکژەنی ئیتاڵی فابیۆ مێرجوری چن گۆرانیېوەش پێشکەشۍ کەردۍ.