فەرماندەیی قەرارگەو ناوەندی یەژا ستاری بە ڕێزدارییوە یاڎو ٢ گەریلایاش کەردۆ و واتش: "سەرمەشقایەتیشا جە فکر، ئەرەکۊشای، خوڵقنای ژیۋای بە شێوەو ژەنۍکەرد و بیۍ بە سەرچەمەو ئیلهامی پەی ئا ژەنا کۆشش پەی ئازادی مکەرا."
فەرماندەیی قەرارگەو ناوەندی یەژا ستاری پێوەس پا ٢ گەریلایاوە کە هەرێمەکاو پارېزنای مەدیاینە گەشمەرڎۍ بیۍ ئەرەیاۋنێوەش وەڵاکەردۆ.
ئەرەیاۋناکەو فەرماندەیی قەرارگەو ناوەندی یەژا ستاری پی جۆرەنە:
"هەمڕێما وە میللیتانا پارتیما پەکەکەی و پاژکی، بەفرین ڕۆژە و تێکۆشین دڵگەشە جە ٣٠ی تشرینو ٢٠٢٣ېنە جە ئاکامو هرووژمەکا دۆڵەتو تورکی ئەرەگیرینە پەی سەرو هەرێمەکاو پارېزنای مەدیای گەشمەرڎۍ بیۍ. بە ڕێزو حورمەتۆ یاڎو هەردووە شۆڕشگێڵنا ئایدۆلۆجیایی و ئازادی ژەنۍ، بەفرینۍ و تێکۆشینۍ مکەرمێوە و قەول مڎەیمۍ ئەرەکۊشایشا بیاونمۍ بە ئامانج.
هەمڕێما بەفرینە و تێکۆشینە هەرچنە ناچارۍ بیۍ جە دووری کوردەسانینە بژیۋا بەڵام گرڎ کاتێ زېڵێشا چنی گەلەکەیما و ئەرەکۆشای سەرەمڕەو گەریلاینە بۍ. هەر پۆکەی جە کەمتەرین ماوەنە و بە زووی بەشدارۍ ئەرەکۊشای گەلەکەیما بیۍ ۋەرپرسیاری ۋێشا جە ئەستۆ گێرت. هەردووە هەمڕێما جە دژو پیلانگێڵنی مېیاننەتەوەیی کە جە کەسایەتی ڕابەریمانە جە دژو گەلەکەیما و مرۆڤایەتی پێکئاما، ڕووەشا کەردە کەشەکا کوردەسانی و بیێ بە جوابێوە پەی پیلانگێڵنا. پی تایبەتمەندیاوە هێڵۊو درووسو ئەرەکۊشایشا نیشانەو خەڵکەکەیما دا کە ناچار بە ژیۋایکەردەی جە گەورەشارەکا تورکیای بیێبێنۍ. بە فیداکاری و بێ-دووەدڵیۆ بەشدارۍ ئەرەکۊشایەکا گەریلای بیۍ و پېسە میللیتانا پاژکی بە دڵوازی ئازادییوە جە هەر چوار بەشەکەو کورڎةسانینە جەنگشا کەرد و بەشێوێوە قەوەت پەرەشا بە جەنگو ئازادی ژەنۍ و گەلەکەیما دا. هەمڕێکێما جە هەمان کاتەنە بە گرڎو بیەو ۋێشاوە بەشدارۍ ئایدۆلۆژیای و پارادیمەکا رابەر ئاپۆی بیۍ و بە سەرمەشقایەتیشا جە ئەرەکۊشای، وەشەسیای، وەشکەردەی و ژیۋای ژەنا بیۍ بە خاوەنو ئەرەکۊشایۍ کە جە زېڵۍ گرڎو ئا ژەنانە پەی ئازادی ژەنا ئەرەکۆشا یاگۍ ۋێشا بکەراوە. پېسە هەمڕایا بەفرینۍ و تێکۆشینۍ سەرەوەشی ۋێما پەی بنەیانەی قارەمانو هەمڕایاما، گرڎو ئا ژەنا زېڵێشا پەی ئازادی مڎۆ ۋنە و گەلوو کوردەسانی وڵاتپارێزنیما بەربڕمۍ.
زانیاری سەرو ئشناسنامەو هەمڕایاما ئینەن:
ناسنامۍ / بەفرین ڕۆژ
نامۍ و دما نامۍ / جایزە سەلبەر
شۊنەماو جە ئەڎابیەی / سێرت
نامۍ ئەڎۍ و نامۍ تاتەی / ساکینە – محمەد
شۊنەماو کاتو گەشمەرڎەبیەی / ٣٠/١١/ ٢٠٢٣ / هەرێمەکاو پارێزناو مەدیای.
***
ناسنامۍ / تێکۆشین دڵگەشن
نامۍ و دما نامۍ / شیرڤان ئولاش
شۊنەماو جە ئەڎابیەی / ئامەد
نامۍ ئەڎۍ و نامۍ تاتەی / پەریخان – سلێمان
شۊنەماو کاتو گەشمەرڎەبیەی / ٣٠/١١/ ٢٠٢٣ / هەرێمەکاو پارێزناو مەدیای.
*****
بەفرین ڕۆژە
***
تێکۆشین دڵگەشە
***
