یەژاستار: بیۍ بە مانیفیستوو ژیوای و کۊشیایما
فەرماندەیی قەرارگەی ناوەندیی یەژاستاری بە ڕێزەۊ یاڎوو دووۍ گەریلایاش کەرڎۊ،کە گارزاننە گەشمەرڎۍ بیۍ و ئەرەیاوناش، "هامڕۍ سەرمقۍ و جەنگاوەرۍ پاژک باهارین و مزگینە بیۍ بە مانیفیستوو ژیوای و کۊشیایما".
فەرماندەیی قەرارگەی ناوەندی یەژاستاری بارەو دووۍ گەریلایاوە، کە ٢٣ۍ تشرینوو دووەموو ٢٠٢١یوە گارزاننە گەشمەرڎۍ بیۍ ئی زانیارییێشە ئەرەیاونێ:
"پێسە جمیەروو ئازادیی گلێرگەو کوردستانی چی قۊناغەنە، کە ئێمە پەی ئازادیی جەستەیی ڕابەریما و ئازادیی گەلەکەیما دژوارتەرین جەنگ کەرمۍ، ئێمە گەشمەرڎەبییەی بەنرختەرین هامڕایاما وینمۍ و پێسە قوربانیدای و شییەینەی ئازادیی منیەیمێشرە. کۊشیاکەیما بە هەوڵۍ، جەویویەرڎەی و قارەمانێتیی گەورەی بە دەیان هامڕایە ئازایما بەرڎەواما، ئا هامڕۍ قارەمانێما هومێدێوە گەورەنۍ پەی گەلوو کوردی و گردوو گەلاو وەرکەوتوو دلێڕاسەی. چی قۊناغەنە کە ئێمە پێسە جمیەروو ئازادیی ژەنۍ شانە مدەیمۍ وەروو وەرپەرسیی کۊشیایما، فەرماندەکاو یەژاستاریما فەرماندەیی بە دەیان گەریلای فیدایی ژەنا کەرا و چەنی ئا هامڕایاما بەرەکاو وەڵێوە گژیا. ئێمە پێسە فەرماندەیی قەرارگەی ناوەندیی یەژاستاری هامرێما باهارین دێرسیم و مزگین بۊرانە، کە ٢٣ۍ تشرینوو دووەموو ٢٠٢١ گارزاننە جەنگێوە گیانبازانەنە گەشمەرڎۍ بیۍ، بە ڕێز و پەنەزانایۊ یاڎشا کەرمێوە. سەرەوەشی جە بنەیانەو هامڕایاما شێخۊ و گوچلو و سەرجەموو گەلوو کوردستانی کەرمێ
زانیاری سەروو شناسنامەو هامڕا گەشمەرڎەکاما پێسنەن:
شناسنامێ: باهارین دێرسیم
نامۍ و دمانامێ: لەیلا شێخۊ
شوێنی لەدایکبوون: حەڵەب
نامۍ ئەدێ-تاتەی: حەیات- ئەحمەد
وەخت و شۊنەو گەشمەرڎەبییەی: ٢٣ۍ تشرینوو دووەموو ٢٠٢١/ گارزان
شناسنامێ: مزگین بۊران
نامۍ و دمانامێ: ئەمەل گوچلو
یاگۍ پەیدابییەی: ئەنقەرە
نامۍ ئەدێ-تاتەی: هاجەر- مستەفا
وەخت و شۊنەو گەشمەرڎەبییەی: ٢٣ۍ تشرینوو دووەموو ٢٠٢١/ گارزان
