جە زانشتگاو سۆرانی کە مەگنۆنە شارو سۆرانی سەر بە پارێزگاو هەولێری، پەیجۆرێ و ونەکۆڵیایێ زانشتی بە هۆرامی نویسیا و پێشکەش کریا.
جە ئی بارەوە پەلیانەو زانشتگاکە وەڵاوشکەردەنەوە: پەیجۆرێ و ونەکۆڵیایەکە پەی یەکەمین جارین جە زانشتگایێو کوردستانیەنە بە هۆرامی بنویسیۆ و پێشکەش بکریۆن. هەرپاسە یوەمین جاریچەن کە پەیجۆرێ زانشتی سەرو بابەتێوی قانونی بە هۆرامی بنویسیۆن. ئی هەرمانێ بەشێوەنە چا پڕۆژە فراوانەیە کە زانشتگا سۆرانی پەی پارێزنا و پەرەدای بە هۆرامی و هۆرامانی گێرتێنەرەوەر. 

زانشتگاکە جە ئی بارەوە زانیای زیاتەرش دان و ئاشکراش کەردەن: پەیجۆرەکە مسیارێوێ بەنامێ (ئیمان عەبدوڵا عومەر)ی کەردەن کە وێش خەڵکو هۆرامان-یەنە و دانشجوەو ماستەرو قانونیەنە جە زانشتگا سۆرانی و پەیجۆرەکەش بە هۆرامی نویستەن و هەر بە هۆرامیش پێشکەشش کەردەن؛ بە نامێ "هەقو بەدەسئاوردەی شناسنامەی نیشتمانی دلێ دەستورو ساڵەو ٢٠٠٥و عێراقیەنە. پەیجۆرەکە بە ئۆنلاین پێشکەش کریان و ژ ارێوی فرێ مسیارێ و مامۆستایێ زانشتگاکەی ئاادێش بیێنی و بە گەرمی پێشوازیش ونەکریان". 

زانشتگاو سۆرانی، جە چوارچوەو سەنتەروو هۆرامانناسی کە ماوێو جەی وەڵتەر کریاوە، هەرمانە سەرو ئەشناسای هۆرمانی مەکەرۆ و ئامانجشە ئا سامانە نیشتمانییە گەۆرەو هەورامانی کە هەن، نەک هەر نەفۆتیۆ، بەڵکە زیاڎیچ بکریۆنە. 
جە ئیسەنە سەنتەروو هۆرامانناسی خەریکوو رێکوستەی بەرنامەکاشە و جە ماوێوی کەم و ئایندەی نزیکەنە، ژمارێو کارێ و پڕۆژێ زانشتیێ، ئاشکرێ مەکەرۆنە.