ئۆپراسیۆنی ئەمنی جە کەمپو هۆڵینە جە لایەنو هێزەکا ئاسایشو دلینەی و هێزەکا ئاسایشو دلینەو -ژەنێ، یەپەژە و قەسەدەیۆ جە دژو چەتەکا داعشی دەسش پنەکەردەن، بەردەواما. ئا هێزێ بەشداری ئۆپراسیۆنەکەی بیێنێ بە هەستیاری گلێرگەی و، بە تایبەت وەرپرسیارێتی پەی پارێزناو مافەکا ژەنا و زاڕۆڵا مامەڵە مکەرا. ئی ئۆپراسیۆنە پەی ئەمنیەتو هەرێمەکەی و دمای ئاردەی بە ڕێکوزتەکا داعیشا.

چی ئۆپراسیۆنە یەپەژە بە دەورێ فرە گرنگ ئەرەپڕان. یەپەژە پەی پارێزناو گرڏو ژەنا و زاڕۆڵا جە کەمپەکەنە ئەوەکۆشای مکەرۆ و جە هەڕەشەکا پارێزنۆشا. جە کەمپەکەنە کاتێ ئیدارەدای لاواز بۆنە، تنوتیژی جە دژو ژەنا زیاڏ مکەرۆ. یەپەژەچ چی بابەتەنە هەرمانێ فرە گرنگە مکەرۆ و هەوڵ مڏۆ ڕاگیری جە تنوتیژی گێرۆنە. ئەرەنیشتا کەمپو هۆڵی نزیکایەتی ئی هەڵوێسە ئەخلاقی و نزیکبییەیۆ مرۆییانەو یەپەژەی پێسەو نمونێوە وینۆنە. چونکە یەپەژە جە گرڏ هەل و مەرجێنە ڕا پەی گلێرگەی مکەرۆوە و پارێزنۆنەش.

ژەنی جە کەمپو هۆڵینە هیبە ئەل عەلی و نەدا ئەل حەلیم پەیوەس بە باتەتەکەیۆ پەی ئاژانسو هەواڵو فوراتی (ANF) قسێشا کەردە.

داوای فرە گۆرێ ژەنا گێڵایۆنە پەی ژیوایێ ئاسایی

هیبە ئەل عەلی ئاماژەش پانەیەدا بڕێ ژەنی جە بەشو 'ئەل سوریەت' ی مەناوە فرە هەرمانەی مەترسیدارە و شاراوە مکەرا و واتش: "چی بەشەو کەمپەکەی تەرسمێنە، چونکە تەرسێوە جدییەنە. جە هەمانکاتەنە ژیوایێ بە شێوازێ دیاریکریا سەرمارە سەپنا، ئینەیچ جە ڕاو ئا ژەناوە کریۆنە کە زیهنیەتو داعشیشا هەن. جە دماو دەسپنەکەردەو ئۆپراسیۆنەکەی فرە دڵوەشێ بیێیمێ. چونکە هەستما کەرد هیزێ هەن تاوۆنە چی زیهنیەتەیە پارێزنۆما."

نەدا عەبد ئەل حەلیمە واتش  و ئاماژەش پانەیەدا دلێ دۆخو ڕێکوزیاکەینە مەنیمێ، بەڵام ژەنی ڕۆو بەڕۆ  حەقیقەتەکا وینا و واتش: "فشارەکێ ئیتر پێسەو وەڵتەری بە هێزێ نیێنێ و گرڏ کەسێ ئی حەقیەقەتەیە مزانۆنە. جە دماینە یاوایمێنە ئا چێوێ پنەما وچیێ گرڏ دروێ بێنێ و پەی ئانەی بی بەشداری جە ڕێکوزیا تیرۆریستییەکەی کەرمێنە. دماو دەسپنەکەردەو ئی ئۆپراسیۆنەیە فرە چێوێ شاراوێ بێنێ ئاشکرا بیێ. ویناما ئی یاگێ ئینایمێش چنە ئەرەنیشتێنمێ فرە مەترسیدارەنە و ئی ئۆپراسیۆنە فرە پەنەواز بێ. ئینە پەی پارێزناو ئێمە و زاڕۆڵەکاما بێ."

داوای سەرەکیە و ژەنا جە کەمپو هۆڵینە گێڵایۆ پەی ژیوایێ ئاسایی چبەرو کەمپەکەی. چونکە چی کەمپەنە ئینایمێ هەلومەرجی فرە سەختەنە و گەرەکشانە گێڵاوە یانەکاشا.