ژەنی کتێبەکاو عەبدوڵا ئۆجالانی مواناوە
ژەناو گەڕەکەو شێخ مەقسوودوو حەڵەبی، دەسشا بە چالاکیی وانایۆ کتێبەکاو ڕابەروو گەلوو کوردی کەرد.
چوارچوەو هەڵمەتەی جیهانییەو ئازادیی پەی ڕابەروو گەلوو کوردی عەبدوڵا ئۆجالانی، جە سەرنیشت و وەرکەوتوو سوریاینە گرووپەکاو وانایوە، کتێب و وینایەکاو عەبدوڵا ئۆجالانی مواناوە.
ئەنجومەنوو کۆنگرەو ستاری و گەشمەردە شیلان کۆبانی شاروو حەڵەبینە چند ڕوێ چێ وەڵتەر بارەگاو وێشەنە گەڕەکەو شێخ مەقسوودینە بە بەشداریی فرەو ژەنا دەسش بە وانایوە پارێزنامەکاو ڕابەر ئۆجالانی کەرد.
ژەنی بەشداریێوی خاس دلێ گروووپەکاو وانایۆنە مکەرا، ئەنداماو کۆمینوو کۆنگرەو ستاری، ئیساتێنە سەرەگەرمێ وانایوەی مانیفێستوو پەنجەموو شارستانیەتی دیموکراتیکینێ.
چی گرووپەنە ٢٥ ژەنێ کوردێ و عەرەبێ بەشدارێنێ. ژەنی فرەتەر باس جە ڕێبازەکاو ئشناسای ڕاسیی چەمکەکا مکەرا.
ئەندامەو ئەنجومەنی، مەیس شاشۆ، کە بەشدارەو گرووپەکەی بێ واتش: "ئێمە قازانجێوی فرەما جە وەناویوە کتێبەکا و قسەکا کەردەن، هەوڵێ مدەیمێ جە سروشتی هەقەتین و ماناو چەمکەکا بیاومێنە، بە واتەواچکەردەی سەروو ویرۆکەکاو ڕابەر عەبدوڵا ئۆجالانی سەروو چەمکەکاو مۆدێرنیتەی سەرمایەداری و مۆدێرنیتەی دیموکراتیک، ئیساتێ من زیاتەر سەروو دیاردەو ئشناسای حەقیقەتی شارەزاییم بەدەس ئاردەن. ئامانجی سەرەکی جە کەردەی ئی چالاکییانە زانای پڕۆژەو وێڕاوەبەری و شێوازەکاو بەیاگەیاونایشا گلێرگەنە و چەنی یاونایشا بە گەلە ستەموەنەکریایا."
