ریاز دەڕاڕ هاوسه‌رۆكی مه‌سه‌ده دەستنیشانی كرد، هەڕەشەكانی دەوڵەتی تورك جددین و تمۆحی توركیاش تەنیا به‌م هەرێمەوە سنوردار ناكرێن و روو له حكومه‌تی دیمه‌شقیش وتی، بەقسە وڵات ناپارێزرێت، ئێمە كردەوەمان دەوێت.
هاوسەرۆكی ئەنجومەنی سوریای دیموكراتیك"مەسەدە"، ریاز دەڕاڕ دوێنی شەو لەبەرنامەیەكی تایبەتدا، هەڕەشەكانی دەوڵەتی داگیركەری تورك، ئامانجەكانی توركیا و هەڵوێستی كۆمەڵگەی نێودەوڵەتی لەبەرامبەر بەو هەڕەشە و هێرشە داگیركاریانە رایگەیاندوە؛ مافمانە كە پاراستنی هەرێمەكەمان و خاكەكەمان بكەین و پرۆژەی خۆشمان بۆنیاد بنێنین و چارەسەری سیاسیش بدۆزینەوە، بەڵام دەوڵەتی تورك دەیەوێت بەو هەنگاوانەی هەوڵەكانمان ئاستەنگ بكات، لەبەر ئەوەش هەڕەشەكانی بەهەند وەردەگرین.
هاوسەرۆكی ئەنجومەنی سوریای دیموكراتیك لە وتووێژێكدا بۆ ئاژانسی هاوار نیوز رایدەگەنێت؛ تمۆحی دەوڵەتی تورك و هەڕەشەكانیان لەبەرامبەر بەتلڕفعەت و مەنبج بۆ ئەوەیە كە هەموو سنور یا بەواتایەكی تر ٩٠٠ كیلۆمەتر بێتە نێو خاكەكەمانەوە و داگیری بكات. ئەردۆغان دەیەوێت لە سی كیلۆمەتر زیاتر خاك داگیر بكات، بەگشتی دەیەوێت ئەم هەرێمانە داگیر بكات و لەراپۆرتەكەیدا لەبەردەم نەتەوە یەكگرتووەكاندا بەئاشكرا ئەم بابەتەی وروژاند. بەڵام وروژاندنی ئەم بابەتە بەو واتایە نایەت كە مافدارە و دەبێت وەڵامی بدرێتەوە. چۆنكە هیچ پاڵپشتیەكی یاسایی نییە، تەنانەت ناتوانێت لەژێر هەڕەشە و گۆشاردا نەتەوە یەكگرتووەكان بێدەنگ بكات، چونكە هەموو جیهانیش ئەو راستیە دەزانێت كە هیچ هەڕەشەیەك لەسەر سنورەكانی توركیادا نییە و لەبنەمادا جۆڕەیەكە لەتمۆحی توركیا لەبەرامبەر بەخاكی سوریا و تەنانەت عێراقیش. ئەمەش لەچوارچێوەی پرۆژەی ئەردۆغانە كە زیندوكردنەوەی میساقی میللییە، واتا دەیەوێت ئەو هەرێمانەی پێشتر لەبن دەسەڵاتداریەتی عۆسمانیدا بوون، بگەڕێنێتەوە ژێر دەسەڵاتی خۆی.
ریاز دەڕاڕ لەسەر هەڵوێستی نێودەوڵەتی لەبەرامبەر بەو هەڕەشە و هێرشانەی دەوڵەتی تورك لەبەرامبەر بەرۆژئاوای كوردستان و باكوری سوریا دەڵێت:"لەنێوان ئێمە و روسیا و ئەمریكادا پەیمان و رێككەوتنامە هەیە، بەڵام ئەمریكا لەگەڵماندا راستترە و پێویستی پێمان هەیە، چۆنكە ئێمە بەیەكەوە شەڕی پرۆژەی داعش دەكەین كە هەڕەشەیە لەسەر هەموو جیهان.
ریاز دەڕاڕ لەسەر سەردانی شاندی روسی بۆ توركیاش دەكات و دەڵێت:"لەئاخاوتنی هەردوو لایەندا دیار بوو كە بەتەواوەتی لەگەڵ یەكدا رێكنەكەوتوون و ناكۆكی هەیە. لەئەنجامدا دەبێت لەسەر خاڵە ناكۆكەكانیان رەنگە پیلان و كڕین و فرۆتن پێكبێت، مۆممكنە هەر دوو لایەنیش ئەو خەیاڵەیان لا درۆست ببێت كە دەتوانن هەر دوو لا باڵادەستی خۆیان بەردەوام بكەن و بەرێوەی ببەن.
هاوسەرۆكی مەسەدە بانگەوازی لەرژێمی سوریاش دەكات و دەڵێت:"لەچوارچێوەی بنەما و پەرەنسیپی بەرچاو و ستراتیژ لەگەڵ حكومەتی سوریادا چاوپێكەوتن دەكەین، لەبەر ئەوەش بانگەوازیەكانیشمان لەو ڕوانگەیەوەیە. ئێمە دەمانەوێت باڵادەستی سوریا لەسەر هەموو خاكی سوریادا هەبێ و مافی ئێمەش لەرێوەبردنی هەرێمدا مسۆگەر بكرێت و لەگەڵ ئەوەشدا ئێمە دەپرسین، ئاخۆ چۆن دەتوانین لەسەر كێشە بنەڕەتیەكانمان رێكبكەوین، سەرەڕای ئەوەی ئەو هەموو دیالۆگانەش كە بەرێوە چوونە و هیچ دەرئەنجامێكی لێنەكەوتوونەتەوە.
دەڕار بانگەوازی لەئەرتەشی سوریا كرد ئەركی خۆیان بەجێ بهێنن و دەڵێت:"ئێمە پێمان ووت بكەونە عەفرین و سیستەمی پاراستنی ئاسمانیش دامەزرێنە، بەڵام دەرنگ مان و روسیاش گۆشاری خستە سەر". لەكاتی هێرشی داگیركەری بۆ سەر سەرێكانی و گرێ سپی بانگەوازیمان كرد، هەرچەندە هەندێ هێزیش هاتنە هەرێمەكە، بەڵام ئەوانە بۆ پاراستنی سنور نەهاتبوون، بۆ دەستێوەردانی بابەتی ناوخۆ بوون.
ریاز ئەوەشی ووتوە؛ دەبێت ئەرتەش دەستوەردانی كاروباری سیاسی نەكات، بەڵام هەر لەسەرەتاوە ئەرتەشی سوریا لەگۆڕەپانی سیاسیدا دەئاخفێت، ئێمەش دەڵێن؛ دەبێت ئێمە و ئەرتەشی سوریا پاراستنی سنور بكەین و پاشانیش لەرێوەبردندا پەیوەست بەچارەسەریەوە، لایەنی سیاسی رێكبكەون.
هـ . ب
