لە باکوور و ڕۆژهەڵاتی سوریا ژمارەی تووشبووانی کۆرۆنا زیادی کردووە
کۆمیتەی تەندروستی خۆسەری باکوور و ڕۆژهەڵاتی سوریا ڕایگەیاند کە لە هەرێمەکەیان ٢٠ کەسی تر تووشی ڤایرۆسی کۆرۆنا بوون و ٢ کەسیش گیانیان لەدەستداوە.
جوان مستەفا هاوسەرۆکی کۆمیتەی تەندروستی خۆسەری باکوور و ڕۆژهەڵاتی سوریا ئاماری ٢٤ کاتژمێری ڕابردووی تووشبووانی ڤایرۆسی کۆرۆنای ئاشکرا کرد.
بەپێی ئامارەکە لە هەرێمی جزیر و حەسەکە ٢ کەسی تر بە ڤایرۆسەکە گیانیان لەدەستداوە.
جوان مستەفا ئاشکرای کرد کە لە ماوەی ٢٤ کاتژمێری ڕابردوودا ٢٠ کەسی تر تووشی ڤایرۆسەکە بوون و ١٧ نەخۆشیش چاکبوونەتەوە.
لە ئێستادا بە گشتی ٥٩٥ کەس تووشی ڤایرۆسەکە بوون و ٤٠ کەسیش گیانیان لەدەستداوە. ١٢٧ کەسیش لە نەخۆشیەکە چاک بوونەتەوە.
ف.ق
