هێزەکانی رزگاری عەفرین ناسنامەی ٣ شەهیدی ئاشکرا کرد
هێزەکانی رزگاری عەفرین- HREناسنامەی ٣ شەهیدی ئاشکرا کرد کە لە ناوچەی شێرەوا لە دژی هێرشی داگیرکەرانی دەوڵەتی تورک شەهید بوون.
HRE لە راگەیێندراوێکدا ناسنامەی ٣ شەهیدی ئاشکرا کرد کە لە ١٠ی نیساندا لە ئەنجامی هێرشی داگیرکەرانی دەوڵەتی تورک و چەتەکانیدا لە ناوچەی شێرەوا شەهید بوون.
لە راگەیێندراوەکەدا هاتووە:"هێزەکانمان لە دووهەمین هەنگاوی خۆڕاگری سەردەمدا لە دژی هێرشەکانی دەولەتی تورک و چەتەکانیدا، خۆڕاگریەکی بێوێنە بەڕێوە دەبەن. دەولەتی تورک لە ١٠ی نیساند لە رێگای ئاسمانی و زەمینی هێرشی کردە سەر شێرەوا. هێزەکانمان لە دژی ئەو هێرشە خۆڕاگریەکی بێوێنەیان بەڕێوە برد و هێرشی زەمینی داگیرکەرانیان تێکشکاند. لە ئەنجامی هێرشی داگیرکەراندا لە سەنگەرەکانی پێشەوەی بەرگریدا ٣ لە شەڕڤانانمان شەهید بوون و ٣ شەڕڤانی دیکەشمان بریندار بوون. شەهیدەکانمان عەگید و فەرمان و خابوور، لە دژی هێرشی داگیرکەران هیچ کات هەنگاویان بۆ دواوە نەنا و بە ئیرادەیەکی پۆڵایینەوە لە ریزەکانی خۆڕاگریدا بەردەوام بوون لە خەباتەکانیاندا. هەر سێ هاوڕێمان کە شەهید بوون، بەرپرسیاریەتیە مێژوویەکەیان جێبەجێ کرد. ئێمە وەکو هێزەکانی رزگاری عەفرین بەڵێن دەدەین کە تۆڵەی شەهیدانمان دەکەینەوە و لێپرسینەوە لەگەڵ داگیرکەراندا دەکەین. شەهیدەکانمان بە رێزەوە بە بیر دێنینەوە و سەرەخۆشی خۆشمان ئاڕاستەی خانەوادەکانیان و گەلەکەمان دەکەین.
ناسنامەی شەهیدانمان بەم شێوەیەیە:
نازناو: عەگید شەرقیا
ناوی تەواو: عبدولرحمن محمد
ناوی دایک:ئیسلم
ناوی باوک: حسن
بەروار و شوێنی شەهیدبوون: شێرەوا-١٠ی نیسانی ٢٠٢٠
***
نازناو: فەرمان بلبلێ
ناوی تەواو: محمد عەلیکۆ
ناوی دایک:ئەمینا
ناوی باوک: فوئاد
بەروار و شوێنی شەهیدبوون: شێرەوا-١٠ی نیسانی ٢٠٢٠
***
نازناو:خابور عەفرین
ناوی تەواو: شادی جەلۆ
ناوی دایک:مەلەک
ناوی باوک: جومعە
بەروار و شوێنی شەهیدبوون: شێرەوا-١٠ی نیسانی ٢٠٢٠"
ز.ش
