ناوەندی راگەیاندنى یەکینەکانى پاراستنى گەل (یەپەگە) راگەیاندراوێکى لەبارەى چالاکییەکانى شەڕڤانان لە ١٤ی کانوونی یەکەمی ٢٠١٨ / ٢٣ی سەرماوەز لە ناوچەکانى شەرا و بلبلێ لە دژی چەتەکان بڵاوکردەوە و رایگەیاند، لەو چالاکییانەدا ٦ چەتە کوژراون.

یەپەگە رایگەیاند، لە ١٤ی کانوونی یەکەمی ٢٠١٨ / ٢٣ی سەرماوەز یەکینەیەکیان لە نێوان گوندەکانى دێرسوان و نەبی هۆری لە ناوچەى شەرای عەفرین لە دژی بنکەیەکى سەربازیى چەتەکانى فەیلەقی شام چالاکییەکیان ئەنجاماداوە و لەو چالاکییەدا ٤ چەتە کوژراون و ٥ چەتەى تریش بریندار بوون.

یەیەگە راشیگەیاند، هەر لەو رۆژەدا یەکەیەکى تر لە شەڕڤانەکانیان لە دژی ئۆتۆمبێلێکى سەربازیى چەتەکانى سوڵتان موراد لە گوندی قەستەڵ مێقداد لە ناوچەى بلبلێى عەفرین چالاکییەکی سابوتاژیان ئەنجامداوە و لە ئەنجامی ئەو چالاکییەشدا ٢ چەتە کوژراون و ٢ چەتەى تریش بریندار بوون.

ر.م