له شاری كیتۆی پایته‌ختی ئیكوادۆر له ئه‌مریكای باشور له پێناو ده‌رهێنانی په‌كه‌كه له لیستی ' رێكخستنه تیرۆریستیه‌كان'ی یه‌كێتی ئه‌وروپا و ئه‌مریكا، واژۆ كۆكرایه‌وه.
ده‌ستپێشخه‌ری دادپه‌روه‌ری نێونه‌ته‌وه‌یی بۆ كوردان بۆ ئه‌وه‌ی په‌كه‌كه له ناو لیسته‌كه ده‌ربهێنرێت له كیتۆی پایته‌ختی ئیكوادۆر سه‌كۆ و ستاندی كۆكردنه‌وه‌ی واژۆی دانا.
له‌سه‌ر ئه‌و سه‌كۆیانه، كه له لایه‌ن کۆمەڵەى هەرەوەزیی دیستیل مارگین (هەرەوەزیی لە پەراوێزەوە / Kolektiva Desde El Margen) دانراوه و بۆ ده‌رهێنانی ناوی په‌كه‌كه له لیسته‌كه واژۆ كۆده‌كرێته‌وه.
سه‌كۆیه‌ك له به‌رده‌م پێشانگای كتێب له كۆشكی كارۆندالتێ دانراوه و یه‌كێكی تریش له شه‌قامی رێین ڤیكتۆریا دانراوه.
دوێنێ شه‌ممه واژۆ كۆكرایه‌وه و ئەمڕۆش یەکشەممە سه‌كۆكان كراوه ده‌بن بۆ بەردەوامیدان بە کۆکردنەوەى واژۆکان.
ئه‌ندامانی كۆمه‌ڵه‌كه له‌لایه‌كه‌وه واژۆ كۆده‌كه‌نه‌وه و له لایه‌كی دیكه‌وه باس له سته‌م و ناداپه‌روه‌ری به‌رامبه‌ر به كوردان بۆ هاووڵاتییان و چالاکوانان و کەسایەتییەکان ده‌كه‌ن.
ژ.ت
