بەمەبەستی دیدار لەگەڵ رێبەری گەلی کورد داواکاری نوێ پێشکەش کرا
بەمەبەستی دیدار لەگەڵ رێبەری گەلی کورد عەبدوڵا ئۆجالان بنەماڵە و پاڕێزەرەکانی داواکاری ئەنجامدانی دیداریان کرد.
برای رێبەری گەلی کورد عەبدوڵا ئۆجالان محەمەد ئۆجالان و پارێزەرەکەی مەزڵوم دینچ بە داواکاری ئەنجامدانی دیدار لەگەڵ ئۆجالان سەردانی داواکاری گشتیی کۆماری بورسا و بەڕێوەبەرایەتی زیندانی ئیمراڵییان کرد.
عەلی کۆنار برای عومەر خەیری کۆنار، پۆڵاد یەڵدرم برای حامیلی یەڵدرم و مەلیحە چەتین خوسکی وەیسی ئاکتاشیش بە هەمان داواکارییەوە سەردانی ئەو دوو دامەزراوەیان کرد.
ماوەی ٤١ مانگە رێبەری گەلی کورد عەبدوڵا ئۆجالان هیچ هەواڵ و زانیارییەک لەبارەیەوە نازانرێت و داواکاری بنەماڵە و پارێزەران بۆ ئەنجامدانی دیدار بێ وەڵام دەهێڵدرێتەوە.
