محه‌مه‌د ئۆجالان، برای ڕێبه‌ری گەلی کورد، عەبدوڵا ئۆجالان و پارێزه‌ره‌كه‌ی، مه‌زڵوم دینچ به‌مه‌به‌ستی پێشكه‌شكردنی داواكاری دیدار، سه‌ردانی داواكاری گشتی كۆماری بورسا و به‌رێوه‌به‌رایه‌تی زیندانی ئیمرالیان كرد.

به‌هه‌مان شێوه‌ی عه‌لی كۆنار، برای عومه‌ر خه‌یری كۆنار، پۆلاد یڵدرم، برای حامیلی یڵدرم و مه‌لیحه‌ چه‌تین، خوشكی وه‌یسی ئاكتاش، كه‌ ئه‌وانیش له‌ ئیمراڵی زیندانی كراون، داواكارییان پێشكه‌ش به‌ هه‌ر دوو دامه‌زراوه‌كه‌ كرد و داوای دیداریان كرد.

نووسینگه‌ی یاسایی سه‌ده‌ و بنه‌ماڵه‌ی زیندانیانی ئیمراڵی، له‌ ڕۆژی ٢٥ی ئاداری ٢٠٢١ه‌وه‌ نه‌یانتوانیووه‌ هیچ زانیارییه‌كیان له‌باره‌ی ڕێبه‌ری گه‌لی كورد، عه‌بدوڵا ئۆجالان وه‌ربگرن.

ژ.ن