لە چوارچێوەی سەرلەنوێ خۆرێکخستنەوە لە زۆر شاری کوردستان و تورکیا کۆبوونەوەی جەماوەری پارتی چەپی سەوز بە بەشداری فراوانی گەل بەردەوامن. هاتای، مەرەش، سەمسور، دیلۆک و مەلەتی ئەو شارانەن کە زۆرترین زیانیان لە دوو بومەلەرزەکەی ٦ی شوباتدا بەرکەوت. پەرلەمانتاری هەدەپە کەمال بولبول لەبارەی چۆنێتی بەڕێوەچوونی کۆبوونەوە جەماوەرییەکان لەو پێج شارەی زۆرینەی دانیشتوانەکانیان عەلەوین و هەروەها مامەڵە و پێشوازی گەل لە پڕۆسەی خۆرێکخستنەوە و هیوا و چاوەڕوانیەکانی کۆمەڵگای عەلی لە پرۆسەکە، قسەی بۆ ئاژانسی هەواڵی فورات (ANF) کرد.

کەمال بولبول رایەگیاند کە بەر لە کۆبوونەوەی گەل لەگەڵ بەڕێوەبەرانی پارێزگا و ناوچەکان کۆبوونەوەیان سازکرد و لەدوای ئامادەکردنی پلان و بەرنامە دەستیان بە کۆبوونەوە لەگەڵ خەڵک کردووە.

بولبول بەم جۆرە بەردەوام بوو: "پارتی رەنجی گەل (هەپ) لە ساڵی ١٩٩٠ دامەزرا. نەریتێک کە لەو کاتەوە سەرچاوەی گرتووە، بەردەوامە. گەلەکەمان دەتوانێت روانین، پێشنیاز و رەخنەکانی بە شێوەیەکی راشکاوانە و ئاسوودە بگەیەنێتە ئێمە. لە رووی پەیوەندییە گشتییەکانی پارتەکەمان داوا لەگەڵ دەکەین پەیوەندییەکانی بەڕێوەبەرانمان لە ناوچەکان تا پاڕێزگاکان، لە کۆمیسیۆنەکان تا ناوەندەکان و ئەوەی ئەو پەیوەندییانە بە چ شێوەیەکن، هەڵبسەنگێنن. هەڵسەنگاندنی کاریگەر و بونیادنەرانە بەهەند وەردەگرین. گەلەکەمان لە سەرەووی هەموو قۆناغ و ئاستەکانی پارتەکەمانەوەیە، بە چاودێرییەکی هەمەلایەنە بەدواداچوون بۆ پێشهاتەکان دەکات. لە رووی پەیوەندییەکانی بەڕێووەبەرانی خۆجێی پارتەکەمان لەگەڵ گەل، رەخنەی زۆر هەبوون. لەبەر ئەوەی پێشتر نوێنەرایەتی خۆجێییمان بەهێزبوون. لە گەڕەک و گوندەکاندا نوێنەرایەتیمان هەبوون. لە قۆناغی ئەم دواییەدا لەو رووەوە کەموکوڕی هاتە ئاراوە.

بولبول هێمای بۆ ئەوەس کرد کە لەو تابلۆ و دیمەنەی لەدوای هەڵبژاردنەوە نەخشێنراوە زۆر فاکتەر کاریگەرییان هەیە. بولبول ئەوەشی خستەڕوو کە گەل جیاواز لە قۆناغی بڕیارگرتنیش رەخنەی هەیە.

بولبول بەم جۆرە بەردەوام بوو: "هەڵبەت هاوشێوەی گوشارەکانی دەرەوە دینامیکی دەرەکیش هەیە، بەڵام بۆ ئێمە داینەمۆ و بزوێنەری ناوخۆیین. رەخنەکانی گەل دەریدەخات کە بەهۆی سازنەکردنی پەیوەندی دروست و بەهێز ئەو ئەنجامانە هاتوونەتە ئاراوە. رەخنەکانی پەویوەست بە کەموکوڕییەکان لە پرۆسەی دیاریکردنی کاندیدەکانمان پێگەیشتوون. لەبارەی ئەوەی لە پرۆسەی هەڵبژاردنی سەرۆککۆماریشدا روویانداوە، رەخنە گیراون. ئەو رەخنانەی کراون، رەخنە بەهێز و لەجێدان".

کەمال بولبول سەرنجی راکێشا بۆ سەر ئەو چاوەڕوانیانەی کە لە پەرلەمانی نوێ هەن بەوەی داواکاری عەلەویەکان بۆ هاووڵاتیبوونی یەکسان بە شێوەی بەهێز بخرێتە بەرباس و بکرێتە رۆژەڤ. بولبول ئەوەشیخستەڕوو کە نوێنەرایەتی عەلەویەکان تەنیا رەوانەکردنی پەرلەمانتار نییە بۆ پەرلەمان.

کەمال بولبول باسی لەوەکرد کە لەکۆبوونەوە جەماوەرییەکاندا تەنیا رەخنە لە پرۆسەی هەڵبژاردن و پارتی نەگیرا و وتیم کە گەل پرۆسەی سەرلەنوێ خۆرێکخستنەوە بەپێویست زانیوە و هیوای پێی هەیە و وتی، "بە رەنج و لەخۆبووردووییەوە پرۆسەی سەرلەنوێ خۆرێکخستنەوە دەگەیەنینە سەرکەوتن و جگە لەوە هیچ رێگەیەکی دیکەمان نییە".

هـ . ب