ماوەیەک بەر لە ئێستا دادگای دەستوری هەمیشەیی لەبارەی داواکاری و سکاڵای هەندێک کەس کە لە هێرشە پاکتاوکارییەکانی ١٤ی کانونی یەکەمی ٢٠١٥ لە ناوچەی جزیری شرنەخ لە ژێرزەمینی ماڵەکاندا گیریانخواردبوو و کوژرابوون، بڕیاری "قەبوڵ ناکرێت"ی دابوو. لەبارەی سکاڵاکان لەسەر "پێشێلکردنی مافی ئازادی و ئاسایشی تاکەکەسی"، "پێشێلکردنی مافی سکاڵای تاکەکەسی" و "قەدەغەی مامەڵەی نەشیاو، پێشێلکردنی مافی رێزگرتنی لە ژیانی تایبەت و خێزانی و ئازادی ئایین و ویژدان"دا بڕیاری پاساوئامێزی دا. لە بڕیاری پاساوئامێزی دادگای دەستوری هەمیشەییدا بانگەشەی ئەوەکراوە کە لە بواری پرۆسە و رێکار و بنەماکاندا "هیچ پێشێلکارییەک" بوونی نییە.

هەروەها بانگەشەی ئەوەکراوە کە "زیانی مەدەنی" نەهاتووەتە ئاراوە و ئەوەش خراوەتەڕوو کە "گەیشتوونەتە ئەو بڕوایەی کە بەکارهێنانی هێزی کوشتن پێویستییەکی بێ ئەملاولا بووە".  

لە بڕیارەکەدا هاتووە، لەبارەی وتە وەرگرتن لە پۆلیس و سەربازەکان کە بەشداریان لە شەڕدا کردووە یان نا ئەوە هاتووە: "ئەستەمە یەکلایی بکرێتەوە کە چ مرۆڤێک لەلایەن چ کەسێکی ئەرکدارەوە کوژراوە".

هـ . ب