دادگای مافەکانی مرۆڤی ئەوروپا دۆسیەی پەرلەمانتارە زیندانیەکانی هەدەپەی یەکلایی کردبوو. لە دۆسیەکەدا سەلاحەدین دەمیرتاش هاوسەرۆکی پێشووی هەدەپەش هەبوو، بەڵام لە مانگی کانونی دووەمی ٢٠٢٠دا بڕیار لەسەر دەمیرتاش درابوو و داوای ئازادکردنی کرابوو.

سەرۆکایەتی (DMME) بریاری کۆتایی خۆی لەبارەی پەرلەمانتارانی دیکەدا کە لە ٤ی تشرینی دووەمی ٢٠١٦دا دەستگیرکرابوون و رایگەیاند کە زۆر مادەی دەستوری پێشێلکراون.

(DMME) بریاریدا هەموو دۆسیەکان کۆبکاتەوە و بکاتە یەک دۆسیە و تەئکیدی کردەوە کە مادەکانی ئازادی رادەربڕین، مافی ئاسایش و ئازادی و دادگاییکردن لە کەشێک و کاتێکی گونجاودا، مافی خۆگەیاندن بە دۆسیەی لێپرسینەوە پێشێلکراون.

دادگا بریاریدا کە بەم بارودۆخە هێشتنەوەی پەرلەماناتران لە زینداندا بە واتای درێژکردنەوەی پیشێلکاریەکانی ماف و پێشێلکردنی بەرپرسایری دەوڵەت دێت.

دادگا بڕیارەکەی پێشووی لەبارەی سەلاحەدین دەمیرتاش بەبیرهێنایەوە و گوتی، " بۆیە (DMME) لەم بڕوایەدایە کە بۆ ئازادکردنی پەرلەمانتاران کە مافەکانیان پێشێلکراوە، پێویستە حکومەت رێوشوێنی وەربگرێت."

هەروەها دادگا بڕیاریدا کە دەوڵەت پێویستە بۆ هەر یەک لە نورسەل ئایدۆغان، ئایهان بیلگەن و لەیلا بیرلیک ، ١٦ هەزار یۆرۆ وەک قەرەبوو دابین بکات.

لە ٤ی تشرینی دووەمی ٢٠١٦دا سەرەتا فیگەن یوکسەکداغ هاوسەرۆکی گشتی هەدەپە، دواتر سەلاحەدین دەمیرتاش هاوسەرۆکی گشتی هەدەپە و دوای ئەوانیش ژمارەیەک پەرلەمانتاری دیکە دەستگیرکران.

هەمان شەو ئیدریس بالوکەن سەرۆکی فراکسیۆنی هەدەپە، سەلما ئیرماک، لەیلا بیرلیک، گولسەر یڵدرم، عەبدوڵلا زەیدان، فەرهاد ئەنجو، نیهاد ئاکدۆغان و نورسەل ئایدۆغان پەرلەمانتارانی هەدەپە دەستگیرکرن.

١١ی کانونی یەکەمی ٢٠١٦ چاغلار دەمیرەل کە دوای ئیدریس بالوکەن کرایە سەرۆکی فراکسیۆنی هەدەپە و بەسیمە کۆنجا پەرلەمانتاری پارتەکە کاتێک لە پەرلەمان هاتنە دەرەوە دەستگیرکران. بورجو چەکیک ئوزکان پەرلەمانتاری هەدەپەش لە ١٩ی نیسانی ٢٠١٧دا لە شاری مووش دەستگیرکرا.

ف.ق