هاوسەرۆکانی دەم پارتی پەیامێکی پیرۆزبایان بە بۆنەی جەژنی رەمەزانەوە بڵاوکردەوە و رایانگەیاند، "ئێمە سپاسی گەلانمان دەکەین کە سەربازی گوشار و زۆرداریش خۆڕاگرییان کرد و دوو جەژنیان پیرۆزکرد".
هاوسەرۆکایەتی گشتیی پارتی دیموکراسی و یەکسانی گەلان (دەم پارتی) تولای هاتیمئۆغوڵاری و تونجەر باقرخان بە بۆنەی جەژنی رەمەزانەوە پەیامێکی پیرۆزباییان بڵاوکردەوە. لە پەیامەکەدا هاوسەرۆکان هیوایان خواستووە کە جەژنی رەمەزا ببێتە مایەی ئاشتی.
پەیامەکەی هاوسەرۆکانی گشتیی دەم پارتی بەم جۆرەیە:
"جەژنی رەمەزان لە سەرجەم جیهانی ئیسلامی پیرۆز دەکەین، هیوادارین ببێتە مایەی چەسپاندنی دادپەروەری، ئازادی، ئاشتی و خێر و خۆشی.
قۆناغی هەڵبژاردنی ئەم دواییە بە ئێمەی نیشاندا کە گەلانی تورکیا ئیتر ژیانێکی یەکسان و دادپەروەرانەیان دەوێت، شەڕ و پێکدادان و چەوساندنەوەیان ناوێت.
ئێمە پێکەوە هیواکانمان گەورەکرد. بڕوامان وایە کە هاوپشتی و پێکەوەبوونمان لە قۆناغی بەردەممان زیاتر پێشدەکەوێت.
بەم بۆنەوە سپاسی هەموو گەلەکەمان دەکەین کە لە دژی ستەم و زۆرداری خۆڕاگرییان کرد و پەرەیان بە تێکۆشانی ئازادیدا و جەژنەکەمانیان کردە دوو جەژن، ئێمە سپاسی رەنجدەران و خەباتکارانی پارتەکەمان دەکەین کە شەو و رۆژیان خستە سەریەک و تێکۆشان، سپاسی هەموو ئەوانە دەکەین کە لە سەر سندووقەکان وەستان و پارێزگارییان لە ئیرادەی هەموومان کرد و هەموو فرت و فێڵەکانیان پوچەڵکردەوە.
جەژنی رەمەزان پیرۆز دەکەین، هیوا و ئامانجمان ئەوەیە کە تێکۆشانی ئاشتی و ئازادی لە وڵاتەکەمان و لە چوار لای جیهان بگاتە سەرکەوتن و سەرفرازی".
هـ . ب
