گەنجانی کورد بە پێشەنگایەتی تەڤگەری گەنجانی شۆڕشگێڕ (تەجەشە) بۆ ئازادی جەستەیی ڕێبەر ئاپۆ لە کانتۆنی تیجینۆی سویسرا ڕێپێوانێکی بە مەشخەڵیان ئەنجامدا. گەنجان لەبەردەم پەیکەری ئازادی بێلینزۆنا کۆبوونەوە و بە بەرزکردنەوەی درووشم تا بەردەم بینای پەرلەمانی بێلینزۆنا ڕێپێوانیان کرد. گەنجان پانکارتی "ئازادی بۆ ڕێبەر ئاپۆ، چارەسەری سیاسی بۆ پرسی کورد"یان هەڵگرت، درووشمی "بژی سەرۆک ئاپۆ" و "گەنجان فیدایی ڕێبەر ئاپۆن" و "ژن، ژیان، ئازادی" و "بژی بەرخۆدانی گەریلا" و بژی پەکەکە" و "بژی یەپەگە"یان بەرزکردەوە.

لەسەر ناوی تەجەشە، کەنعان کورت ئاماژەی کرد بە دیداری عومەر ئۆجالان لەگەڵ ڕێبەر ئاپۆ، گوتی: "لەم دیدارە ڕستەی یەکەم "گۆشەگیری بەردەوامە" بوو. لەم ڕێگەیەوە ڕێبەر ئاپۆ بە هەموو گەلی کورد و گەریلا و گەنجان و ژنانی وڵاتپارێز دەڵێت؛ لە کەسێتی مندا دوژمن بەردەوامە لە پیلانگێڕی و قڕکردنی کورد. لەم پەیامەدا بانگەوازی کرد بۆ مەزنکردنی تێکۆشان. گەریلا و گەنجان و تەواوی گەلای کوردی وڵاتپارێز دەبێت لە هەموو گۆڕەپانێک خاوەنداری لە ڕێبەرێتی بکەن و تێکۆشان مەزنتر بکەن".

هەروەها تیشکی خستەسەر چالاکییە فیداییەکەی دژی توساش و گوتی: "شەهید ئاسیا عەلی و ڕۆژگەر هێلین بەرامبەر ئەوانەی تەسلیمبوون دەسەپێنن، هێڵی بەرخۆدانیان نیشاندا".

چالاکییەکە بە گۆرانی و هەڵپەڕکێ و چەپڵە و درووشم کۆتایی هات.