عەلائەدین کۆسلەر سەرۆکی شارەوانی بەیکۆز و ١٢کەسی دیکە لە چوارچێوەی لێکۆڵینەوەکانی داواکاری گشتی بەیکۆز بە تۆمەتی "ساختەکاری دارایی" و "دامەزراندنی ڕێکخراوێک بۆ ئەنجامدانی تاوان، ئەندامێتی و هاوکاری لەگەڵ ڕێکخراوێک" سزای زیندانی بەسەردا سەپێندرا. لێکۆڵینەوەکە تا ئێستاش بەردەوامە. لەو چوارچێوەدا فیدان گوڵ، جێگری سەرۆک شارەوانی بەیکۆز، دوێنێ سەبارەت بە لێکۆڵینەوەکانی پێشوودا دەستبەسەرکرا و دوای دادگایی کردنی لە بەشی تاوانە داراییەکانی بەڕێوەبەرایەتی ئاسایشی ئەستەنبوڵ، بە تۆمەتی "ساختەکاری لە بەشی دارایی" دا لە لایەن دادگاوە سزای زیندانی بەسەردا سەپێندرا.