جەنگاوەرانی تۆڵەسێنی کرێکارانی هەبەدە لە بەیاننامەیەکی نووسراودا ڕایگەیاند، بۆ یادی ئەو ٢٩ کرێکارەی لە شاری بەشیکتاشی ئەستەنبوڵ کۆمەڵکوژ کران، چالاکییەکە ئەنجامدراوە.

لە بەیاننامەکەدا وەها دەوترێت: "وەک جەنگاوەرانی تۆڵەسێنی کرێکارانی هەبەدەهە، لە ٩ی نیساندا، لە کۆجاعەلی-کۆرفێز، کەشتییەکی لوکس-یان ئاگر داوە و لە ئەنجامدا کەشتییەکە بە تەواوی سووتاوە، تەنانەت زیانی بەدەوربەریشی گەیاندووە.

ئەم چالاکییە لە تۆڵەی ئەو کرێکارانەی کە لە ئەستەنبوڵ/بەشیکتاش کۆمەڵکوژ کران ئەنجامدرا. ئێمە وەک بزووتنەوەی شۆڕشی یەکگرتووی گەلان، پاڵپشتی هەموو کرێکاران و بندەستانین."

لە کۆتایی بەیاننامەکەدا هاتووە: "وەک ئەندامانی شۆڕشی یەکگرتووی گەلان، خەریکە دەبینە کابوسی سەرمایەداران، ئێمە لەسەر داوای هەموو ئەو کرێکارانەی کە ئێوە لەژێر سیستەمی ستەمکارییدا، چەوساندووتانەوە لێپرسینەوەتان لێدەکەین. لە ڤێلا لوکسەکانتاندا بە ئاسوودەیی نەخەون."