جەژنی نەورۆزی کوردان لە شاری ترۆندهایمی نەرویژ پیرۆزکرا.

کوردستانیانی چوار پارچەی کوردستان، دۆستانی کوردی نەرویژ و سەرۆکی شارەوانی ترۆندهایم کێنت ڕانوم بەشداری ئاهەنگەکە بوون.

ئاهەنگەکە لەلایەن کۆمەڵەی چاندی کوردستانی ترۆندهایم بە درووشمی "ئازادی بۆ ڕێبەر ئاپۆ" ڕێکخرا و بە خولەکێک ڕێزگرتن بۆ شەهیدانی ئازادی کوردستان دەستی پێ کرد.

سیاسەتمەداری کورد ئادەم ئوزون دەربارەی گرنگییە مێژووییەکەی نەورۆز قسەی کرد. هونەرمەندان هۆزان سیمار و موراد کوچوکاڤجی و تیرێژ ئورمیە و حامید عوسمان و گورسەل، چوونە سەر ستەیج. جەماوەری گەل بە گۆرانی هونەرمەندان هەڵپەڕین.

ئاهەنگەکە بە درووشمی "بژی سەرۆک ئاپۆ" و داخوازی ئازادی جەستەیی ڕێبەری گەلی کورد عەبدوڵا ئۆجالان کۆتایی هات.